15.10.2026 | 17:42
Մոլդովական FlyOne-ը դուրս է եկել հայկական ավիաընկերությունից․ ովքե՞ր են նոր բաժնետերերը
Թալիշի գյուղապետը՝ հակառակորդի կողմից տանկերի տեղաշարժի մասին
11.05.2017 | 13:43
Արցախի Հանրապետության Թալիշ համայնքի ղեկավար Վիլեն Պետրոսյանը վստահեցնում է՝ Թալիշում խուճապ չկա։ Factor.am-ի հետ զրույցում անդրադառնալով երեկ Թալիշի ուղղությամբ հակառակորդի կողմից տանկերի տեղաշարժին և ներկայումս գյուղում առկա իրավիճակին՝ գյուղապետը նշեց. «Գյուղում տղամարդիկ են ապրում․ և՛ զինվորականներ, և՛ քաղաքացիական անձինք: Երեխաներ, մեծահասակներ չունենք։ Երեկ էլ կուտակումներ են եղել, բայց առանձնակի խուճապ չի եղել»։
Վիլեն Պետրոսյանը տեղեկացրեց, որ այս պահին ընտանիքի հետ հարևան գյուղում է՝ Ալաշանում, Թալիշ է գնում միայն «արտակարգ դեպքերի ժամանակ», իսկ այս պահին գյուղում հանգիստ է։
Հիշեցնենք, որ երեկ հակառակորդը 10 տանկ է տեղաշարժել արցախա-ադրբեջանական շփման գծի հյուսիսային հատվածում՝ Թալիշ գյուղի ուղղությամբ:
Սեդա Ղուկասյան
