13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Կլիմայի փոփոխության հետևանքով Սևանա լիճը կորցնելու վտանգ կա. Տիգրան Ավինյան
Տնտեսություն
16.07.2019 | 12:04
Կլիմայի փոփոխությունը սպառնում է Սևանա լճին: Նյու Յորքում անցկացվող ՄԱԿ-ի Կայուն զարգացման հարցերով բարձր մակարդակի քաղաքական ֆորումի շրջանակում տեղի ունեցած համաժողովի ժամանակ այս մասին հայտարարել է ՀՀ փոխվարչապետ Տիգրան Ավինյանը, գրում է ՌԻԱ Նովոստին:
Ավինյանի խոսքով՝ կլիմայի փոփոխությունը կտրուկ կանդրադառնա Հայաստանի լանդշաֆտի վրա:
«Կլիմայի փոփոխությունից ամենաշատը տուժել է Սևանա լիճը: Ջերմաստիճանի բարձրացումը ստեղծել է մի իրավիճակ, երբ Սևանը որպես լիճ կորցնելու հեռանկար կա»,- փոխվարչապետը:
Նա նշել է, որ ներկայում Հայաստանի իշխանությունները փորձում են խնդրի լուծման ուղիներ գտնել: «Եվ, առաջին հերթին, մենք փորձում ենք լճի մակարդակը բարձրացնել շուրջ 6 մետրով, ինչը նշանակում է, որ մեզ լճում ավելի շատ ջուր է անհրաժեշտ»,- ասել է Ավինյանը՝ հավելելով, որ դրա շնորհիվ սառը ջրի մակարդակն ավելի ցածր կլինի, ինչը թույլ կտա, գոնե մոտ ապագայում, Սևանը որպես լիճ պահպանել:
«Կարծում եմ՝ Հայաստանում երկար ժամանակ չէին մտածում կլիմայի փոփոխության մասին, մինչև այն հարվածեց երկրի հենց սրտին: Հիմա մենք հասկանում ենք, որ դա շատ լուրջ հարց է: Բնապահպանական խնդիրները, ցավոք, անդառնալի ազդեցություն ունեն: Հետևաբար, մենք հիմա մեծ ուշադրություն ենք դարձնում այդ հարցերին»,- ընդգծել է ՀՀ փոխվարչապետը:
Հիշեցնենք, որ փոխվարչապետ Տիգրան Ավինյանը հուլիսի 15-20-ն աշխատանքային այցով ԱՄՆ-ում է: Այցի ընթացքում նախատեսվում են նրա հանդիպումները Նյու Յորքի և Բոստոնի հայ համայնքների ներկայացուցիչների հետ:
