17.06.2026 | 11:51
«Գոնե մի 100 մանեթ տան,որ մերոնց էլ համոզեմ ընտրեն»․ՀԿԿ-ն ԲԿՀ-ին առնչվող ձայնագրություն է հրապարակել
ԱՄՆ-ն Ռուսաստանին կոչ է անում վերականգնել Վրաստանի հետ ավիահաղորդակցությունը
Քաղաքականություն
12.07.2019 | 13:40
Ամերիկայի միացյալ նահանգներն անհանգստությամբ էր հետևում Վրաստանում ընթացող զարգացումների շուրջ Ռուսաստանի կառավարության և Դումայի անդամների արձագանքին. գրում է aliq.ge-ն:
Մենք ողջունում ենք երկկողմ հարաբերությունների կարգավորման նպատակով ռուս և վրացի առաջնորդների արած հայտարարությունները և որոշումները, կոչ ենք անում Ռուսաստանին վերականգնել ավիաչվերթները դեպի Վրաստան և հակառակ ուղղությամբ,- այս մասին «Ամերիկայի Ձայնի» հետ զրույցում ասել է ԱՄՆ Պետդեպարտամենտի ներկայացուցիչ Սինդի Սեինսը:
Պետդեպարտամենտի հայտարարությամբ, Վրաստան ժամանած օտարերկրյա զբոսաշրջիկները իրենց անվտանգ են զգում: ԱՄՆ-ի արտաքին գերատեսչությունը կոչ է անում նաև Ռուսաստանին խուսափել բացասական միջոցներ կիրառելուց, այդ թվում պատժամիջոցներից:
«Շարունակում ենք աջակցել Վրաստանի ինքնիշխանությանն ու տարածքային ամբողջականությանը միջազգայնորեն ճանաչված սահմաններում՝ կոչ անելով Ռուսաստանին դադարեցնել Վրաստանի տարածքի 20 տոկոսի օկուպացիան»,- ասվում է ԱՄՆ-ի պետդեպարտամենտի հայտարարությունում:
