22.01.2026 | 18:34
Նպաստները կվճարվեն բացառապես անկանխիկ եղանակով․ նոր փոփոխություններ՝ ապրիլի 1-ից
ԵՏՄ-ից ոչ առաջընթաց եմ տեսել, ոչ հետընթաց. Վարդան Բոստանջյան
Քաղաքականություն
12.09.2017 | 15:14
«Ծառուկյան» դաշինք խմբակցության պատգամավոր Վարդան Բոստանջյանը դրական չի վերաբերում ԵՏՄ-ից դուրս գալու՝ ընդդիմադիր «Ելք» դաշինքի նախաձեռնությանը: Խորհրդարանում լրագրողների հետ զրույցում Բոստանջյանն ասաց, որ Հայաստանի հաջողություններն ու անհաջողությունները չպետք է կապել ԵՏՄ-ի հետ:
«ԵՏՄ-ն մեզ համար մի մեծ շուկա է՝ 170 միլիոնից ավելի, որտեղ կարող են իրացվել մեզ մոտ արտադրական ցածր կուլտուրայով ստեղծված ապրանքները, որը Եվրոպան ընդհանրապես չի էլ թողնի իր շուկաներ: Բացի այդ՝ ԵՏՄ անդամ երկրներում ապրում են 3 միլիոնից ավել հայ մարդիկ՝ իրենց ընտանիքներով, ստանում են եկամուտներ»,- նշեց Բոստանջյանը:
ԲՀԿ-ական պատգամավորն, այնուամենայնիվ, ընդգծեց՝ ԵՏՄ-ից ոչ առաջընթաց է տեսել, ոչ հետընթաց: «Իբր թե ամեն ինչ հոյակապ ա, հիմա մնացել ա միայն մի հատ միությունում մտենլը ու պարզվում ա՝ եթե միություն չմտնեինք, հոյակապ կլիներ ամեն ինչ: Ու ասենք եվրոպական երկրներն էլ շնչահեղձ սպասում են մեզ, որ գնանք այնտեղ հանգրվանենք»,- հեգնեց «Ծառուկյան» դաշինքի պատգամավորը:
Հարզազրույցն ամբողջությամբ՝ տեսանյութում:
Շողիկ Գալստյան
