07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Էջմիածնում ենթադրյալ հանցագործություն կատարած անձինք դարանակալել են և կրակ բացել ավտոմեքենայի ուղղությամբ. «Փաստինֆո»
Հասարակություն
12.09.2017 | 14:50
Էջմիածնում տեղի ունեցած երկու անձի սպանության գործով նախաքննությունը կիրականացվի Քննչական կոմիտեի ՀԿԳ քննության գլխավոր վարչությունում: «Փաստինֆո»-ի հարցմանն ի պատասխան այդ մասին հայտնեցին Քննչական կոմիտեից:
ՔԿ-ից նաև տեղեկացանք, որ, նախնական վարկածով, ենթադրյալ հանցագործություն կատարած անձինք դարանակալել են և ավտոմեքենայի մոտենալուն պես՝ սկսել կրակ արձակել:
Մշակվել են աշխատանքային վարկածներ, և այս պահին ակտիվ քննչական գործողություններ են իրականացվում: ՔԿ-ից նաև հայտնեցին, որ այլ մանրամասներ հրապարակման ենթակա չեն:
Ավելի վաղ տեղեկացրել էինք, որ սպանված Կարեն Դավթյանը, օրենքով գող Արմեն Կանևսկոյի ընկերն է: Նա առավել հայտնի է «Տուպիկի Կարեն» մականվամբ:
Իսկ մյուս սպանվածը՝ ավտոմեքենայի վարորդը Լևոն Ավետիսյանն է:
Մեզ հայտնի է դարձել նաև, որ դեպքի վայրում աշխատել է երկու զենք:
Դեպքի վայրի զննությամբ ավտոմեքենայի հարակից տարածքից հայտնաբերվել են 23 հատ 7.62 մմ տ/չ-ի պարկուճ, իսկ ավտոմեքենայի սրահի զննությամբ՝ վարորդի կողքի նստատեղի ներքևի հատվածից հայտնաբերվել է «Սայգա-ՄԿ 7.67-39մմ» գրառմամբ և Ն-07132847 համարի ինքնաձիգ և ինքնաձիգի 2 պահունակ, որոնց մեջ առկա է ընդհանուր 15 հատ 7.62 մմ տ/չ-ի փամփուշտ:
Դեպքի առթիվ Վաղարշապատի քննչական բաժնում հարուցվել է քրեական գործ՝ ՀՀ քրեական օրենսգրքի 104-րդ հոդվածի 2-րդ մասի 1-ին կետի և 235-րդ հոդվածի 1-ին մասի հատկանիշներով։
