Քաղաքականություն
12.09.2017 | 13:28«Գագիկ Ծառուկյանն էդպիսի բան չի հայտարարել կոալիցա կազմելու մասին»,- Factor.am-ի հարցին ի պատասխան՝ ասաց «Ծառուկյան» խմբակցության անդամ, ԱԺ փոխնախագահ Միքայել Մելքումյանը:
Հիշեցնենք՝ երեկ իրեն ընդդիմադիր հռչակած դաշինքի առաջնորդ Գագիկ Ծառուկյանը ՀՀԿ-ի հետ կոալիցիա կազմելու մասին հարցին բառացի ասել էր. «Ես կյանքում ոչ մի բան չեմ բացառում, բայց երբ որ լինի, ես ասում եմ՝ կարևորը՝ իմ խոսքը, խոստումը իմ ժողովրդին՝ ես դա պահելու եմ, պահպանելու եմ»:
«Երեկ Գագիկ Ծառուկյանը հստակ շեշտադրումներ կատարեց առ այն, թե այսօրվա ներքաղաքական զարգացումների, տնտեսական սոցիալական վիճակի մասին ինչպիսին են մեր դաշինքի մոտեցումները: Տրվեցին կոնկրետ գնահատականներ: Այո՛, մենք ասում ենք, որ մեր ծրագրերի տերն ենք»,- պատասխանելով մեր հարցին՝ շարունակեց Մելքումյանը:
ԲՀԿ-ական պատգամավորը համաձայն է Գագիկ Ծառուկյանի հետ, ասաց՝ երկրում երկու ոլորտում դրական փոփոխություններ կան: Խոսքը վարկային տոկոսադրույքների նվազման և զբոսաշրջիկների աճի մասին է:
Factor.am-ի հստակեցնող հարցին՝ եթե Կառավարութունն ընդունի «Ծառուկյան» դաշինքի համար կարևոր 15 կետերը, ինչպե՞ս կվարվեն, կկազմե՞ն կոալիցիա. Մելքումյանն արձագանքեց. «Եթե-ներով չենք խոսում, կլինի էդ պահը՝ կքննարկենք, էս պահին չկա»:
Հարզազրույցն ամբողջությամբ՝ տեսանյութում:
Շողիկ Գալստյան
