07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
Լրագրողների դեմ բռնություններին քաղաքական գնահատական պետք է տրվի․ Հայկուհի Հարությունյան. ՏԵՍԱՆՅՈՒԹ
Հասարակություն
24.06.2019 | 12:31
«Թե՛ էլեկտրիկ Երևանի, թե՛ Սարի թաղի գործերով հաճախ նախաքննական մարմինը մատնանշում է պատժված այն անձանց, որոնք պատասխանատվություն են կրել, սակայն դրանք ոչ բավարար են և համաչափ չեն իրականացված արարքներին։ Կարծեմ՝ անձինք դրամական տուգանքներով կարողացել են, այսպես ասած, պատասխանատվության ենթարկվել։ Ես, կարծում եմ, որ 2018 թվականի ապրիլյան դեպքերի ժամանակ ևս բռնության ենթարկված լրագրողների գործերը պետք է քննության առարկա դառնան։ ՀՔԾ-ն երեք գործերն էլ կասեցրել է»,- Մեդիա կենտրոնում «Էլեկտրիկ Երևան. 4 տարի անց» թեմայով քննարկմանն ասաց «Իրավունքների պաշտպանություն առանց սահմանների» ՀԿ նախագահ Հայկուհի Հարությունյանը, որը մի շարք լրագրողների և ցուցարարների գործերով իրականացնում է իրավունքների պաշտպանություն։
Նա կարծում է, որ լրագրողների դեմ բռնություններն այլևս իրավական տիրույթից դուրս են: «Նույնիսկ եթե անհատականացված ոստիկանների նկատմամբ փորձ արվի պատասխանատվության միջոց կիրառել, նրանց պաշտպանության տեսանկյունից այդ իրավունքից չենք զրկելու։ Քննիչը ներկայացնելու է, որ անօրինական գործողություն իրականացնելու փաստ չունեմ։ Արդյունավետ քննության ժամանակը բաց ենք թողել։ Այն բոլոր փաստերը և ապացույցները, որոնք պիտի հիմք հանդիսանային պատասխանատվության համար, հնարավոր չէ ձեռք բերել իրավական տեսանկյունից։ Մենք այդ անձանց, ըստ նախաքննական մարմնի, նույնականացման և ապացույցների խնդիր ունենք։ Սա քաղաքական գնահատականի խնդիր է»,- ասաց իրավապաշտպանը։
Ըստ նրա՝ պետք է քաղաքական տեսանկյունից ընդունել, որ տեղի են ունեցել քաղաքացիների խաղաղ հավաքների, ազատության անձեռնմխելիության և այլ իրավունքների սահմանափակումներ: «Այդ բոլոր փոխհատուցումների և ոստիկանության կողմից հնարավոր նման գործողությունների մշակումը ավելի իրատեսական ակնկալիք կարող է լինել»,- նշեց Հայկուհի Հարությունյանը։
Մանրամասները՝ տեսանյութում:
Ռոբերտ Անանյան
