08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ղրղզստանում որոշել են փոխել երկրի օրհներգը, քանի որ դրա հնչյուններից անգամ «թռչուններն են վախեցել»
Քաղաքականություն
12.12.2024 | 18:21
Ղրղզստանում, դրոշից հետո, նախատեսում են փոխել նաև ազգային օրհներգը, երկրի խորհրդարանում ստեղծվել է հատուկ հանձնաժողով, որը կզբաղվի այս հարցով, հայտնում է «Ազատություն» ռադիոկայանի ղրղզական ծառայությունը։
Խորհրդարանի փոխխոսնակ Նուրբեկ Սիդիգալիևը պարզաբանել է, որ միջգերատեսչական հանձնաժողովը կընտրի երկրի նոր օրհներգի երեք լավագույն տարբերակները և կառաջարկի խորհրդարանին։ Պատգամավորները կընտրեն տեքստի և մեղեդու վերջնական տարբերակը և օրենքով կհաստատեն։
2024 թվականի հոկտեմբերի վերջին Ղրղզստանի օրհներգը փոխելու գաղափարը հնչեցրել է խորհրդարանի նախագահ Քենեշ Նուրլանբեկ Շաքիևը։
«Դրոշը փոխեցինք, հիմա հիմնը պետք է փոխենք։ Այս օրհներգն ընդունելիս նոր էինք դուրս եկել Խորհրդային Միությունից և առաջին քայլերն էինք անում դեպի անկախություն։ Երգելն էլ է դժվար, ամեն ղրղզ չի կարողանա այն կատարել»,- նշել է նա։
Նա նաև հավելել է, թե եղել են դեպքեր, երբ երկրի օրհներգը հնչեցնելիս անգամ «թռչուններն են վախեցել»։
Ավելի ուշ երկրի նախագահ Սադիր Ժապարովն ասել է, որ ոչ մի վատ բան չկա պետական խորհրդանիշը փոխելու գաղափարի մեջ։
Նշվում է, որ Ղրղզստանի նոր օրհներգը պետք է ընդունվի 2025 թվականի ապրիլից ոչ ուշ։
Թարգմանությունը՝ Տաթև Ֆռանգյանի
