15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
ՊՎԾ-ն նոր խախտումներ է բացահայտել. գործն ուղարկվել է Գլխավոր դատախազություն. ՏԵՍԱՆՅՈՒԹ
Հասարակություն
20.06.2019 | 14:44
Պետական վերահսկողական ծառայությունը Քրեակատարողական հիմնարկներում ուսումնասիրություններ է կատարել և պարզել, որ 2018 թվականի նոյեմբերին Կառավարության կողմից քրեակատարողական հիմնարկներից մեկին վերանորոգման համար տրված գումարները ծախսվել են խախտումներով: Այս մասին Կառավարության նիստի ժամանակ ասաց ՊՎԾ պետի պաշտոնակատար Արգիշտի Քյարամյանը:
«Խախտումներ են հայտնաբերվել նաև պայմանագրային պարտավորությունների որոշակի դրույթների կատարման հետ կապված, խախտվել են նաև ժամկետները: Պարզվել է, որ կառուցապատողները ոչ բավարար որակի և ոչ ժամանակին ծառայություն են մատուցել: Սա հիմք է տվել, որ ՊՎԾ-ն սա ուղարկի դատախազություն»,- ասաց ծառայության պետի պաշտոնակատարը:
Արգիշտի Քյարամյանն ասաց, որ այժմ գումար է պետք՝ կրկին այդ կառուցում վերանորոգման աշխատանքներ իրականացնելու համար: Նա, սակայն, չնշեց, թե որ քրեակատարողական հիմնարկի և որքան գումարի մասին է խոսքը: Այս նախագիծը հանվեց օրակարգից՝ հետագայում քննարկելու համար:
Նարեկ Կիրակոսյան
