01.11.2026 | 12:52
ՀՀ ՏԿԵ նախարարը Կոտայքի մարզպետի աշխատակազմին է ներկայացրել նորանշանակ մարզպետ Լիլիթ Ստեփանյանին
Հայրս բանվոր մարդ է, իսկ դատախազների առաջխաղացման ցուցակում ընդգրկված Միշա Գրիգորյանն ինձ հետ կապ չունի․ Վահե Գրիգորյան․ ՏԵՍԱՆՅՈՒԹ
Քաղաքականություն
18.06.2019 | 12:30
Ազգային ժողովի «Լուսավոր Հայաստան» խմբակցության պատգամավոր Գևորգ Գորգիսյանն ԱԺ-ում ՍԴ դատավորի թեկնածու Վահե Գրիգորյանից հետաքրքրվեց՝ արդյոք իր կարիերայի աճին նպաստե՞լ է դատախազների առաջխաղացման ցուցակում ընդգրկված Միշա Գրիգորյան անուն ազգանունով դատախազը։ Գևորգ Գորգիսյանը ենթադրեց, որ Միշա Գրիգորյանը Վահե Գրիգորյանի հայրն է։
Հարցին ի պատասխան Գրիգորյանը նշեց, որ այդ ցուցակում ընդգրկված Միշա Գրիգորյանն իր հայրը չէ։
«Իմ հայրը բանվոր մարդ է եղել, մայրս՝ հաշվապահ, իմ մասնագիտական հաջողությունները ես ձեռք եմ բերել իմ վաստակով և, ընդհանուր առմամբ, ես դրանց համար պարտական եմ հորս և մորս, իսկ այդ Միշա Գրիգորյանն ինձ հետ կապ չունի»,- մանրամասնեց ՍԴ դատավորի թեկնածուն։
Վահե Գրիգորյանը նաև նշեց, որ տեղյակ չէ, թե պատգամավորն ինչ դատախազների առաջխաղացման ցուցակի մասին է խոսում, որովհետև այդ ցուցակում երբեք չի ընդգրկվել։
Մանրամասները՝ տեսանյութում։
