13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
Հյուսիսային Կորեան ԱՄՆ-ին «ցավ ու տառապանք» է խոստացել՝ նոր պատժամիջոցներ սահմանելու դեպքում
Քաղաքականություն
11.09.2017 | 10:49
Փհենյանը կարծում է, որ ԱՄՆ-ի կողմից պատժամիջոցներն ու ճնշումը մտնում են «ծայրահեղ անխոհեմ փուլ» և նախազգուշացնում, որ երկիրը պատրաստ է աննախադեպ միջոցներ ձեռնարկել։ Այս մասին ասված է Հյուսիսային Կորեայի արտաքին գործերի նախարարության տարածած հայտարարությունում. փոխանցում է ria.ru-ն։
ԿԺԴՀ-ն կարծում է, որ ԱՄՆ-ը շահարկում է ՄԱԿ-ի Անվտանգության խորհուրդը, որպեսզի խստացնի Հյուսիսային Կորեայի դեմ պատժամիջոցները՝ ջրածնային մարտագլխիկներ փորձարկելու համար:
ԱԳՆ-ն հայտարարել է, որ «գերհզոր ջերմամիջուկային զենքը» մշակվել է զսպելու համար «ԱՄՆ-ի կողմից աճող թշնամական գործողություններն ու կանխելու համար Կորեական թերակղզում միջուկային պատերազմի սպառնալիքը»։
Հյուսիսային Կորեան նաև ընդգծել է, որ ուշիուշով հետևում է ԱՄՆ գործողություններին ու պատրաստ է հակահարված տալ. «Միջոցառումները, որոնք կձեռնարկի Հյուսիսային Կորեան, ԱՄՆ-ին այնպիսի մեծ ցավի ու տառապանք կպատճառեն, որոնց միջով նա չի անցել իր ողջ պատմության ընթացքում»։
