Գագիկ Ծառուկյանի պարզաբանումը չի փարատում կասկածը, որ նա միջամտում է բիզնես կառավարմանը. Հերիքնազ Տիգրանյան. ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Factor.am-ի հարցազրույցը ԱԺ «Իմ քայլը» խմբակցության անդամ, առողջապահության և սոցիալական հարցերի մշտական հանձնաժողովի փոխնախագահ Հերիքնազ Տիգրանյանի հետ

– Տիկի՛ն Տիգրանյան, «Բարգավաճ Հայաստան» խմբակցության ղեկավար Գագիկ Ծառուկյանն այսօր պատասխանել է ԱԺ նախագահ Արարատ Միրզոյանի այն հորդորին, թե Դուք առնվազն պետք է սպառիչ պարզաբանում ներկայացնեք, որ Ձեր սեփականությունը հանդիսացող ընկերությունների կառավարմամբ չեք զբաղվում։ Գ.Ծառուկյանն իր պատասխանի ավարտին գրել է. «Հույս ունեմ, որ իմ կողմից ներկայացված սպառիչ հիմնավորումները մեկընդմիշտ կփարատեն այս հարցով «մտահոգ» բոլոր շահագրգիռ անձանց և կազմակերպությունների կասկածները»: «Իմ քայլի» համար սպառի՞չ է Գագիկ Ծառուկյանի այս պատասխանը։

– Խմբակցությունը դեռ քննարկում չի անցկացրել, ես կներկայացնեմ իմ տեսակետը իրավական կարգավորումների տեսանկյունից։ Գագիկ Ծառուկյանի պարզաբանումն այլ հարցեր է առաջացնում և ամենևին չի փարատում այն կասկածները, որ նա, լինելով այլ սեփականատեր, միջամտում է բիզնես կառավարմանը։ Փաստ է ներկայացվում, որ 2017թ. մայիսից բիզնեսը հանձնված է հավատարմագրային կառավարման: Վստահում ենք խոսքին, բայց շատ ավելի ցանկալի կլիներ, որ պատասխանին կից լինեին հավատարմագրային կառավարման հանձնելու պայմանագրերի լուսապատճենները: ԱԺ-ում «Պետական տուրքի մասին» օրենքում փոփոխություններ ու լրացումներ կատարելու մասին նախագծի քննարկման ժամանակ նրա խոսքերն ակնհայտորեն փաստում են, որ ի հակադրություն նրա ներկայացրած փաստերի, որ բիզնեսը տրված է հավատարմագրային կառավարման, ինքը շարունակում է ազդել կառավարման մարմինների վրա: Այսինքն՝ պատգամավորի վարքագիծն ամենօրյա բիզնես-գործունեությունից զերծ չէ։ Ավելին, նշում է, որ կառավարման խորհրդի դժգոհությունը կարող է առաջացնել այն, որ ինքն առաջարկել է իջեցնել ցեմենտի գինը, որովհետև, ինչպես ինքն է նշում, դա անում է ոչ թե իր բիզնես նպատակների, այլև տնտեսական հեղափոխության կամ ներդրումներին նպաստելու համար:

– Իսկ այդ նպատակը չի՞ արդարացնում կառավարմանը միջամտելու՝ Գ.Ծառուկյանի վարքագիծը:

– Իհարկե՝ ոչ։ Այդ դեպքում մենք պիտի ասենք, որ պետք է խրախուսենք բիզնեսմենների մուտքն ԱԺ, որ նրանք կարողանան ավելի լավ օրենքներ ընդունել, որ տնտեսական հեղափոխությունն արագ տեղի ունենա կամ ներդրումներ գան ՀՀ: Մենք ճիշտ հակառակն ենք ասում:

– Վարչապետ Նիկոլ Փաշինյանն անցած տարի պատասխանելով Գ.Ծառուկյանի՝ բիզնեսով զբաղվելու մասին Factor.am-ի հարցին՝ ասել էր, որ նա խոշոր սեփականատեր է։ Չե՞ք կարծում, որ Նիկոլ Փաշինյանն այդպիսով արդարացրել է Գագիկ Ծառուկյանի՝ բիզնեսով զբաղվելը, և Արարատ Միրզոյանի նամակը ժամանակավրեպ է կամ հակասում է վարչապետի հայտարարությանը։ Ընդ որում՝ այդ ժամանակ Ն.Փաշինյանը մասնակցում էր նույն սեփականատիրոջ՝ Գ.Ծառուկյանին պատկանող «Մայնինգ Ֆերմայի» բացմանը:

– Պարոն Փաշինյանը պատասխանեց լրագրողի այն հարցին, թե ՀՀ-ում կա՞ն օլիգարխներ, և արդյո՞ք պարոն Ծառուկյանն օլիգարխ է։ Եթե այդ տեսանկյունից դիտարկենք, օլիգարխիա նշանակում է, որ բիզնեսը սերտաճած է քաղաքականության հետ։ Հետևաբար՝ այո՛, ՀՀ-ում օլիգարխիա չկա, որովհետև իշխող քաղաքական ուժը չունի բիզնեսներ:

– Ի դեմս Գ.Ծառուկյանի՝ ԱԺ-ում բիզնեսի և քաղաքականության սերտաճո՞ւմ կա։

– Ըստ էության՝ հիմա միակ պատգամավորը, ում բիզնես շահերը քննարկվում են, մնացել է պարոն Ծառուկյանը: Այս նոր խորհրդարանում չկան այնպիսի պատգամավորներ, որոնք հայտնի են որպես բիզնես-սեփականատերեր։ Իսկ եթե լինեն, ապա նրանց նկատմամբ նույնպես պետք է գործի նույն սկզբունքը։

– Գլխավոր դատախազությունը Գ.Ծառուկյանին հետապնդելու և նրան մանդատից զրկելու մասին դիմումը փոխանցել է ՀՔԾ-ին։ Ձեր կարծիքով՝ ՀՔԾ-ն ի՞նչ որոշում կկայացնի:

-Ես դա չեմ կարող ասել, բայց կարող եմ ասել, թե քրեական գործ հարուցելու ի՞նչ հիմքեր կարող են լինել։ Նախ՝ պետք են հիմքեր և առիթներ։ Առիթը նրա հայտարարություններն էին, հիմքերը պետք է նայել ՔՕ 310-րդ հոդվածի հատկանիշներով պարունակվող արարքներում։ Ես այս պահին չեմ կարող գնահատել, թե արգելված կամ ոչ թույլատրելի սուբյեկտի կողմից ձեռնարկատիրական գործունեությունն ի՞նչ հետևանքներ է առաջացրել, որովհետև որևէ փաստի չեմ տիրապետում։ Դա նախաքննական մարմնի խնդիրն է։

Հարցազրույցն ամբողջությամբ՝ տեսանյութում:

Արմինե Ավետյան