15.12.2025 | 15:43
ՀՀ ԱԳ նախարարի տեղակալը հանդիպել է ՄԱԿ-ի Քաղաքակրթությունների դաշինքի բարձր ներկայացուցչի հետ
«Պլատոնն իմ ընկերն է, բայց ճշմարտությունն ավելի թանկ է» սկզբունքով եմ առաջնորդվում. Արսեն Թորոսյանը՝ Սանասարյանի դեմ ցուցմունք տալու մասին. ՏԵՍԱՆՅՈՒԹ
Հասարակություն
03.05.2019 | 14:07
Առողջապահության նախարար Արսեն Թորոսյանը շարունակում է պնդել, որ ինքը ՊՎԾ նախկին ղեկավար Դավիթ Սանասարյանի դեմ ցուցմունք չի տվել։
Խորհրդարանում պատասխանելով Factor.am-ի հարցին՝ Թորոսյանն ասաց, որ իրավական գործընթացում ներառված է:
«Երբ ես նշեցի, որ որևէ մեկի դեմ ցուցմունք չեմ տվել, ամենաառանցքային բառը դեմն էր, գործով արվող իրավական պրոցեսների ընթացքում ներգրավված եմ, և ինձ հայտնի ցանկացած տեղեկատվություն փոխանցել եմ, ինձ տրվող հարցերին տվել եմ պատասխան, և դա չի նշանակում, որ ինչ-որ մեկին կողմ եմ կամ դեմ: Գործի մանրամասներին ամբողջությամբ չեմ տիրապետում և չպետք է տիրապետեմ, ավելին՝ կա նախաքննական գաղտնիք, որը չպետք է հրապարակվի, նշել եմ, որ եթե կա ինչ-որ գործով ինձնից ստանալիք տեղեկատվություն, պատրաստ եմ անել և անելու եմ, դա կլինի բանավոր, գրավոր, քննիչի հարցին: Եկեք էլ չանդրադառնանք: Ես այն մարդը չեմ, որ այդ հարցի պատասխանը պետք է տա: Քննիչ չեմ, ոչ էլ դատախազ, ոչ էլ դատավոր, որ հասկանամ՝ ում վիճակը որքանով է վատացել»,- ասաց Թորոսյանը:
Factor.am-ի հարցին՝ բարոյական տեսանկյունից ի՞նչ զգացողություն ունի՝ հաշվի առնելով, որ Դավիթ Սանասարյանի հետ մտերիմ են եղել, նախարարն ասաց. «Ասում եմ` «Պլատոնը իմ ընկերն է, բայց ճշմարտությունն ավելի թանկ է» սկզբունքով եմ առաջնորդվում: Որպես առողջապահության նախարար՝ չունեմ որևէ ընկեր, բարեկամ, հարազատ»:
Մանրամասները՝ տեսանյութում։
Շողիկ Գալստյան
