08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Մարդիկ սուտ տեղեկություն են տարածում. Վանեցյանը՝ Գարեգին Միսկարյանին նամակ ուղարկելու մասին. ՏԵՍԱՆՅՈՒԹ
Հասարակություն
02.05.2019 | 15:52
Երեկ հրապարակում էինք արել այն մասին, որ «Քաղաքացու որոշում» կուսակցության անդամ Գարեգին Միսկարյանն ապրիլի 30-ին նամակ է ստացել Ազգային անվտանգության ծառայության տնօրեն Արթուր Վանեցյանի ներկայացուցիչ Վահե Ենգիբարյանից: ԱԱԾ տնօրենի ներկայացուցիչը Գարեգին Միսկարյանին առաջարկել է եռօրյա ժամկետում հերքել Ֆեյսբուքի իր էջում արված մի գրառում, որտեղ նշում կա Վանեցյանի ընտանիքի՝ բիզնես գործունեության վերաբերյալ։
Այսօր Factor.am-ը ԱԱԾ տնօրենից հետաքրքրվեց՝ ինչո՞ւ է նման նամակ ուղարկվել, արդյո՞ք դա ազատ խոսքի սահմանափակմանն ուղղված քայլ չէ. «Այսինքն, եթե մարդիկ սուտ տեղեկատվություն են տարածում, ակնհայտ սուտ, ես հերքել եմ այդ լուրերը, նորից դա տարածելու իմաստը ո՞րն է: Արհեստական ինչ-որ աղմուկ է ստեղծվել ԱԱԾ-ի շուրջ, իմ անձի շուրջ, որն անհասկանալի է, չգիտեմ՝ ում է ձեռնտու»,- պատասխանեց ԱԱԾ տնօրենը:
Մանրամասները՝ տեսանյութում:
Ռոբերտ Անանյան
