17.03.2026 | 23:25
ԻՀՊԿ-ն հաստատել է «Բասիջ» ուժերի հրամանատար Ղոլամռեզա Սուլեյմանիի մահը
Էնդրյու Շեֆերը պաշտոնապես նշանակվեց ԵԱՀԿ ՄԽ համանախագահ
Քաղաքականություն
29.08.2017 | 10:40
ԱՄՆ պետդեպարտամենտը պաշտոնական հայտարարություն է տարածել ԵԱՀԿ Մինսկի խմբում ամերիկացի նոր համանախագահի՝ Էնդրյու Շեֆերի նշանակման մասին. հայտարարությունը տեղակայված է ԱՄՆ պետդեպարտամենտի պաշտոնական կայքում:
Հայտարարությունում ընդգծված է, որ ԱՄՆ հավատարիմ է մնում Մինսկի խմբի աշխատանքին և շարունակելու է օգնել Հայաստանին և Ադրբեջանին ԼՂ հակամարտության խաղաղ կարգավորման հարցում, աջակցում է միջազգային իրավունքի հիմքով հակամարտության արդար կարգավորմանը և Էնդրյու Շեֆերն օգնելու է կողմերին հասնել այդ նպատակին:
Հայաստանի և Ադրբեջանի կառավարությունները տեղեկացվել են Էնդրյու Շեֆերի նշանակման մասին, որն արդեն անցել է իր պարտականությունների կատարմանը:
Մինչ Էնդրյու Շեֆերի նշանակումը, Մինսկի խմբի եռանախագահությունում ԱՄՆ-ը ներկայացնում էր ժամանակավոր համանախագահ Ռիչարդ Հոգլանդը:
