24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Դասադուլի և գործադուլի կոչ` ի աջակցություն «Սասնա ծռերի»․ ովքե՞ր են ղեկավարում խումբը
Քաղաքականություն
28.08.2017 | 14:44
«Մենք ենք տերը մեր երկրի» նախաձեռնությունը ֆեյսբուք սոցիալական ցանցում կոչով է հանդես եկել՝ սեպտեմբերի 1-ին դասադուլ և գործադուլ իրականացնել՝ ի աջակցություն «Սասնա ծռեր» խմբի անդամների։ Այս խումբը համակարգողներին հնարավոր չէ ֆեյսբուքի միջոցով գտնել, քանի որ ցուցադրված չէ, թե ովքեր են էջը ղեկավարում։
Factor.am-ը կապ հաստատեց «Հիմնադիր խորհրդարանի» անդամ Ալեք Ենիգոմշյանի հետ․ վերջինս ասաց, որ նախաձեռնության հետ որևէ կապ չունի: «Նախաձեռնության անդամներին ճանաչում ենք, սակայն այդ կոչը մեզ հետ նախապես չեն խորհրդակցել»,- ասաց նա։
Հետաքրքրվեցինք, թե ովքեր են նախաձեռնության անդամները, Ենիգոմշյանն ասաց, որ չի ցանկանում ասել․ «Եթե իրենք չեն ուզում ներկայանալ, չեմ ցանկանա ասել, թե նրանք ովքեր են»։
Մեր զրուցակիցը չցանկացավ նաև որևէ գնահատական հնչեցնել դասադուլի և գործադուլի կոչերի մասին․ «Քանի որ մեր նախաձեռնությունը չէ, չէի ցանկանա արտահայտվել»,-եզրափակեց նա։
Սեդա Ղուկասյան
