09.08.2026 | 16:37
Վթարային ջրանջատում Կտայքում և Երևանում
«Խուստուփ» արգելավայրի մոտ հրդեհի ծուխը սկսել է ակտիվանալ. hրդեհամարման աշխատանքներ են նախաձեռնվում
28.08.2017 | 13:35
Համաձայն ՀՀ բնապահպանության նախարար Ա. Մինասյանի 2017թ. հուլիսի 17-ի հրամանի` համակարգի բնության հատուկ պահպանվող տարածքների տնօրեններին հանձնարարվել է սահմանել շուրջօրյա հերթապահություն և հակահրդեհային տեխնիկական միջոցները բերել առաջնային պատրաստվածության վիճակի, տեղեկացնում են ՀՀ բնապահպանության նախարարության լրատվական ծառայությունից:
Նախարարության ենթակայության տակ գտնվող բնության հատուկ պահպանվող տարածքներից օգոստոսի 28-ին ստացված տեղեկատվության համաձայն տարածքները գտնվում են շուրջօրյա խստացված հսկողության տակ, ձեռնարկվում են կանխարգելիչ միջոցառումներ, իրավիճակը վերահսկելի է:
Օգոստոսի 26-ին ՀՀ ԲՆ «Խոսրովի անտառ» պետական արգելոցի աշխատակիցներին և ՀՀ ԱԻՆ հրշեջ փրկարարներին հաջողվել է չեզոքացնել և հանգցնել մոտ 50 ծխացող և բռնկված հրդեհի օջախ: Աշխատանքներն ընդմիջվել են գիշերվա ուշ ժամին: Հետմարման աշխատանքները շարունակվում են:
Օգոստոսի 28 -ի ժամը 11-ի դրությամբ «Զանգեզուր կենսոլորտային համալիր» ՊՈԱԿ -ի «Խուստուփ» արգելավայրից դեպի «Ձագեձորի» հատված ծուխը սկսել է ակտիվանալ։
Համալիրի աշխատակիցները և ՀՀ ԱԻՆ հրշեջ փրկարարներն այս պահին «Խուստուփ» արգելավայրի տարածքում են։ Հրդեհամարման աշխատանքներ են նախաձեռնվում:
