29.04.2026 | 15:27
Ուկրաինայում ԱՄՆ դեսպանը հեռանում է պաշտոնից, ըստ լուրերի՝ Թրամփի հետ տարաձայնությունների պատճառով
Ի՞նչ է խոստանում ԱԻ նախարարը «Խոսրովի անտառի» հրդեհաշիջմանը մասնակցած աշխատակիցներին
Հասարակություն
24.08.2017 | 16:26
«Խոսրովի անտառ» պետական արգելոցում հրդեհաշիջման աշխատանքներին մասնակցած ԱԻն աշխատակիցները կպարգևատրվեն: Այս մասին այսօր կառավարությունում տեղի ունեցած ասուլիսի ընթացքում տեղեկացրեց ՀՀ արտակարգ իրավիճակների նախարար Դավիթ Տոնոյանը:
«Սեպտեմբերի 4-ին մեր արտակարգ իրավիճակների նախարարության օրը նշելիս անպայման պարգևատրվելու են բոլորը»,- ընդգծեց նախարարը՝ շարունակելով՝ մենք խրախուսում ենք իրենց խոսքով, ներկայությամբ, աշխատանքով:
Ինչ վերաբերում է ռուսական «Իլ 76» ինքնաթիռի համար վարձավճարին, ապա նախարար Տոնոյանը հայտնեց, որ դա ուղղակի Ռուսաստանի աջակցությունն էր Հայաստանի Հանրապետությանը:
«Լինելու են որոշ ապահովման ծախսեր, որոնք Ձեզ համար բաց են լինելու»,- հավելեց նա:
Ավելի վաղ Factor.am-ի հետ զրույցում հրդեհի օրերին արտակարգ իրավիճակների և բնապահպանության նախարարությունների աշխատանքին էր անդրադարձել իրավապաշտպան Վարդան Հարությունյանը՝ նշելով, որ պետք է տեղի ունեցածի համար պատասխանատվություն կրեն ոչ միայն նրանք, ովքեր մեղավոր են հրդեհի բռնկման համար, այլև արդեն հդրեհաշիջման աշխատանքները կազմակերպելու փուլում թերացողները: Հարությունյանը, սակայն, համոզմունք էր հայտնել, որ փոխարենը պարգևատրումներ կլինեն, ինչպես եղան անցյալ տարի Սարի թաղի դեպքերից հետո:
Առավել մանրամասն՝ տեսանյութում:
Շողիկ Գալստյան
