15.10.2026 | 15:50
Ուկրաինայի ՊՆ-ն հայտնել է Starlink համակարգերի աշխատանքի լիովին վերականգնման մասին
Հայտնի է Բարսելոնայի ահաբեկչության գլխավոր կասկածյալի անունը
Քաղաքականություն
18.08.2017 | 15:56
Բարսելոնայի կենտրոնում իրականացավծ ահաբեկչության գլխավոր կասկածյալ է համարվում 17-ամյա Մուսա Ուքաբիրը. հայտնում է El Mundo-ն, փոխանցում է Lenta.ru:
Նշվում է, որ ոստիկանությունը որոնում է երիտասարդի,որին ահակբեչությունից հետո հաջողվել է թաքնվել՝ դեմքը գլխարկով թաքցնելով։ Իրավապահների տվյալներով՝ կասկածյալը կարող է զինված լինել։
Մուսան ահաբեկչությունից հետո ձերբակալված Բարսելոնայի բնակիչ, Դրիս Ուքաբիրի եղբայրն է։ Հիմնական վարկածով՝ երիտասարդն ավագ եղբորից գողացել էր անձնագիրը, որից հետո նրա անունով երկու ֆուրգոն վարձակալել Սանտա-Պերպետուա-դե-Մոգոդա թաղամասում։ Դրանցից մեկն անմիջականորեն կիրառվել է ահաբեկչության իրականացման համար, երկրորդը գտել են ահաբեկչությունից հետո Բարսելոնայից ոչ հեռու գտնվող Վիկ քաղաքում։ Ենթադրաբար, դրանով չարագործը պատրաստվել է փախչել։
Հարձակման ենթադրյալ կազմակերպիչներից մեկը ձերբակալվել է, մեկ այլ կասկածյալ սպանվել՝ ոստիկանության հետ փոխհրաձգության ժամանակ: Պատասխանատվությունը ստանձնել է «Իսլամական պետություն» ահաբեկչական խմբավորումը: Վերջին տվյաներով՝ ձերբակալվել է 3 մարդ, ովքեր կասկածվում են հարձակմանը մասնակցություն ունենալու մեջ, շարունակվում է ևս 2-ի որոնումը։
