08.11.2024 | 23:14
Վթար Աշտարակի խճուղում․ կա տուժած
Այսօր Երևան է ժամանում ԵԱՀԿ գործող նախագահը
Քաղաքականություն
12.03.2019 | 11:54
Այսօր Երևան է ժամանում ԵԱՀԿ գործող նախագահ, Սլովակիայի արտգործնախարար Միրոսլավ Լայչակը, ինչպես հայտարարել էր` իր հետ Հայաստան է բերում ղարաբաղյան խնդրի կարգավորման մի շարք գաղափարներ. գրում է azatutyun.am-ը:
ԵԱՀԿ նախագահությունը հունվարի 1-ից մեկամյա ժամկետով ստանձնած Սլովակիայի դիվանագիտական գերատեսչության ղեկավարը մինչ այդ հայտարարել էր, թե խնդրի կարգավորումը համարում է նախագահության առաջնահերթություններից մեկը:
Հարավկովկասյան այցի շրջանակում Լայչակի առաջին կանգառը Բաքուն էր: Ադրբեջանի մայրաքաղաքում նա մի շարք հանդիպումներ է ունեցել իշխանությունների ներկայացուցիչների հետ՝ նախագահ Իլհամ Ալիևի, արտգործնախարար Էլմար Մամեդյարովի: Չնայած ԵԱՀԿ գործունեության լայն շրջանակին՝ Ադրբեջանի ղեկավարները եվրոպացի պաշտոնյայի հետ հանդիպմանը խոսել են հիմնականում ղարաբաղյան խնդրից:
ԵԱՀԿ գործող նախագահը դրական է գնահատել թե՛ Ադրբեջանի նախագահի, թե՛ արտգործնախարարի հետ հանդիպումները, Բաքու կատարած այցն ամփոփելիս ասել է ՝ կշարունակեն հակամարտության խաղաղ կարգավորման ուղիներ փնտրել:
Լայչակի պաշտոնավարման ժամանակ Սլովակիան աչքի է ընկել Ադրբեջանի հետ ռազմական համագործակցությամբ, ընդ որում՝ Եվրամիության անդամ այդ երկիրը չեխական արտադրության մահաբեր զենքը Բաքու է հասցրել Իսրայելի տարածքով, աղմկահարույց այս գործարքը պարզել էին տեղական լրատվամիջոցները:
ԵԱՀԿ գործող նախագահը Երևան է ժամանում Ադրբեջանում մեկնարկած լայնածավալ զորավարժությունների ֆոնին ՝ մինչև 10 հազար զինվորների, 500 հրասայլի, 300 միավոր հրթիռահրետանային համակարգերի, օդուժի և այլ ծանր զինատեսակների ներգրավմամբ: Ըստ պաշտոնական հաղորդագրության, զինվորները հարձակողական ծրագիր են իրագործելու՝ փորձելով պայմանական հակառակորդին խոցել մի շարք ուղղություններով: Հաղորդվում է, որ զորավարժությունների ընթացքում կիրառվելու է նաև վերջին տարիներին ձեռք բերված նոր զինատեսակները:
Առավել մանրամասն՝ սկզբնաղբյուր կայքում:
