16.11.2024 | 18:40
Քրիստինա Քվինն ու ԱՄՆ դեսպանատան աշխատակիցները հայ ընկերների հետ նշել են ԱՄՆ ծովահետևակային կորպուսի 249-րդ տարեդարձը
Հերքում եմ, նման բան չկա. Մակունցը՝ պաշտոնյաների հետ վարչապետի հրահանգով հանդիպելու մասին. ՏԵՍԱՆՅՈՒԹ
Քաղաքականություն
28.02.2019 | 19:36
«Իմ քայլը» խմբակցության պատգամավորներն ԱԺ հրավիրված ոստիկանապետ Վալերի Օսիպյանից հետաքրքրվել են, թե վերջին շրջանում ինչո՞ւ է Հայաստանում հանցագործությունների թիվն ավելացել, ի՞նչն է դրան նպաստել և ի՞նչ միջոցներ են ձեռնարկվում, որպեսզի իրավիճակը շտկվի: ԱԺ-ում լրագրողների հետ զրույցում այս մասին ասաց «Իմ քայլը» խմբակցության ղեկավար Լիլիթ Մակունցը:
«Ոստիկանապետը նշեց մի քանի հանգամանք, որոնցից մեկը համաներման հետ էր կապված: Մյուսը պայմանավորված էր այն հանգամանքով, որ հաղորդում տվողների թիվը Հայաստանում բավական շատացել է։ Ամեն դեպքում՝ մենք ճշտեցինք, թե ինչ միջոցներ է ձեռնարկում ոստիկանությունը իրավիճակը վերահսկելու համար: Նա նշեց, որ ամեն ինչ վերահսկելի է, և համագործակցում են տեղական ինքնակառավարման մարմինների հետ»,- ասաց խմբակցության ղեկավարը:
Հարցին՝ հավաստի՞ են տեղեկությունները, որ ՀՀ վարչապետ Նիկոլ Փաշինյանն է «Իմ քայլի» պատգամավորներին հանձնարարել պարբերաբար հանդիպման հրավիրել տարբեր գերատեսչությունների ղեկավարներին, Լիլիթ Մակունցը պատասխանեց. «Հերքում եմ, նման բան չկա»:
Մանրամասները՝ տեսանյութում:
Նարեկ Կիրակոսյան
