08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ՊՎԾ-ից չեն մեկնաբանում իրենց 4 աշխատակցի ձերբակալման լուրը
Հասարակություն
26.02.2019 | 10:36
Analitik.am-ը գրել է, որ գիշերը ՀՀ ԱԱԾ-ն ձերբակալել է ՀՀ Պետական վերահսկողական ծառայության 4 աշխատակցի՝ այդ թվում ՀՀ ՊՎԾ-ի երկու վարչությունների պետեր Ադյան եղբայրներին:
ՊՎԾ մամուլի խոսնակ Զարուհի Մեջլումյանը հարցը լսելուց հետո պատասխանեց․ «Իսկ մենք իրավապահ մարմի՞ն ենք, որ մեկնաբանենք, միգուցե ԱԱԾ-ից փորձեք ճշտել։ Մենք չենք կարող հաստատել կամ հերքել, քանի որ մենք չենք ձերբակալություն իրականացնող կամ չիրականացնողը»։
Հարցին, իսկ վարչության պետերն ու մյուս երկու աշխատակիցներն արդյոք աշխատանքի վայրո՞ւմ են, Մեջլումյանն ասաց․ «Դուք հարցը տվել եք, ես պատասխանել եմ, ԱԱԾ-ից ճշտեք, մենք ձերբակալության փաստ հաստատող, հերքող մարմին չենք»։
Փորձեցինք կապ հաստատել նաև Դավիթ Սանասարյանի հետ, վերջինիս հեռախոսահամարին պատասխանեց օգնականը, հարցը լսելուց ասաց․ «Գրավոր հարցում ուղարկեք»։
ԱԱԾ-ից տեղեկությունը հաստատել չհաջողվեց, ԱԱԾ Մամուլի կենտրոնի պետը զանգերին չի պատասխանում։
