08.12.2025 | 21:00
Վստահ եմ՝ 10-ից բացի մյուս եպիսկոպոսները ևս Կտրիճ Ներսիսյանի դեմ են, շուտով տեսանելի կլինի․ Վահագն Ալեքսանյան․ ՏԵՍԱՆՅՈՒԹ
Սևանում «Ազատության» լրագրողի աշխատանքի խոչընդոտման փաստով օմբուդսմենի աշխատակազմը դիմել է Ոստիկանություն
Հասարակություն
14.08.2017 | 16:49
Հայաստանի մարդու իրավունքների պաշտպան Արման Թաթոյանն անթույլատրելի է համարում «Ազատություն» ռադիոկայանի լրագրող Նարինե Ղալեչյանի լրագրողական գործունեությունը խոչընդոտելը: Այդպիսի արարք կատարած ցանկացած անձ ենթակա է պատասխանատվության, նշված է օմբուդսմենի աշխատակազմի տարածած հաղորդագրությունում:
«Լրագրողի հրապարակած տեղեկության համաձայն՝ Սևան քաղաքում շարժական գազալցակայանների վերաբերյալ նկարահանման ժամանակ լցակայաններից մեկից դուրս եկած երիտասարդն արագ հետապնդել է իրեն: Վերջինս դադարեցրել է նկարահանումը և նստել ավտոմեքենան: Այնուհետև, երիտասարդը ոտքերով ու ձեռքերով հարվածել է նկարահանող խմբի ավտոմեքենային», – ասված է հաղորդագրությունում:
Լրագրողի գործունեությունը խոչընդոտելու վերաբերյալ տեղեկությունների հիման վրա Պաշտպանի աշխատակազմում սկսվել է քննարկման ընթացակարգ՝ սեփական նախաձեռնությամբ, անհապաղ վարույթ նախաձեռնելու հարցով համապատասխան գրություն է ուղարկվել Ոստիկանություն, փոխանցում է օմբուդսմենի աշխատակազմը:
