Քաղաքականություն
14.08.2017 | 12:40
Հյուսիսային Կորեայի առանցքային դեսպանները կանչվել են Փհենյան՝ համատեղ խորհրդակցության՝ կապված երկրի նկատմամբ միջազգային ճնշման ավելացման հետ. փոխանցում է gazeta.ru-ն՝ հողւմ անելով Yonhap-ին:
«Հյուսիսային Կորեան Փհենյան է կանչել հիմնական պետությունների դեսպաններին՝ ենթադրաբար դիվանագիտական կազմի մասնակցությամբ խորհրդակցություն անցկացնելու համար»,- նշել է Հարավային Կորեայի կառավարության ներկայացուցիչը:
Փհենյան կանչված դիվանագետների թվում են Չինաստանում, Ռուսաստանում և ՄԱԿ-ում Հյուսիսային Կորեայի դեսպանները:
Ինչպես ավելի վաղ հայտնել էր Factor.am-ը, Հյուսիսային Կորեան հայտարարել է, որ ցանկացած պահի կարող է հարված հասցնել Գուամում ԱՄՆ ռազմաբազային: Իսկ Գուամի իշխանությունները բնակիչներին միջուկային ռմբակոծությունից պաշտպանվելու ուղեցույցներ են բաժանել:
