Հասարակություն
05.05.2017 | 13:19
Մեքենաների տեխզննման կտրոնները վերանալու են, դրանց փոխարինելու են ստուգումները էլեկտրոնային համակարգերի միջոցով. այս մասին այսօր լրագրողների հետ հանդիպման ժամանակ ասել է ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը:
«Վճարում կատարելով` գնում են կտրոնը, իսկ արդյունքում մեքենաները տեխզննում չեն անցնում: Կտրոնը վերանալու է, լինելու է միայն էլեկտրոնային համակարգ, իսկ հսկողները տեղում ստուգելու միջոցով են տեսնելու՝ մեքենան տեխզննում անցե՞լ է, թե՞ ոչ: Մինչև մեքենան տեխզննման չենթարկվի, էլեկտրոնային համակարգում չի ներառվի»,- փոփոխությունները ներկայացրել է նախարարը:
Հարցին, թե երբ է նախատեսվում իրականացնել այդ փոփոխությունը, Վահան Մարտիրոսյանը պատասխանել է, որ դա կգործի այս տարվա ընթացքում:
