28.09.2026 | 12:10
Թաթան կոպիտ սխալ է որակել սեպտեմբերի 27-ին համերգ ցուցադրելը // Պապիկյանն անակնկալ զորամաս է այցելել․ ԼՈՒՐԵՐ
Հավաստիացնում եմ՝ մենք ոչ մի կոպեկ չենք վատնում. Վանեցյանը՝ ԱԱԾ աշխատակիցների համար նոր համազգեստի անհրաժեշտության մասին
Քաղաքականություն
01.02.2019 | 14:38
Ազգային անվտանգության ծառայության տնօրեն Արթուր Վանեցյանը վստահեցնում է՝ ծառայության աշխատակիցների համար նոր համազգեստներ պատվիրելը պետբյուջեի վրա հավելյալ բեռ չի դառնալու։
«Հավաստիացնում եմ՝ մենք ոչ մի կոպեկ չենք վատնում։ Պետական բյուջեից մեզ հատկացված է գումար համազգեստի համար, որը մենք կրում ենք, ընդամենն այժմ փոխելու ենք դրա դիզայնը, իսկ դրա համար չեն աշխատելու թանկ վճարվող դիզայներներ։ ՀՀ պետական բյուջեի վրա որևէ ծախս չի նստելու համազգեստի փոփոխությունը»,- ասաց նա։
Ըստ Վանեցյանի՝ ԱԱԾ աշխատակիցների համազգեստը չի փոխվել ավելի քան 50 տարի։
«Համազգեստը պետք է լինի հարմար, գեղեցիկ՝ աչքի համար։ Ես ասել եմ, որ առաջնային փոխվելու են սահմանապահ զորքերի, հսկիչ անցակետերի մեր աշխատակիցների համազգեստները։ ՀՀ եկող զբոսաշրջիկները, առաջինն ում հետ շփվում են, սահմանապահ զորքերի աշխատակիցներն են, որոնք իրենց համազգեստով հիշեցնում են խորհրդային տարիները։ Իսկ եթե լինեն գեղեցիկ համազգեստով աշխատակիցներ, տպավորությունն այլ կլինի։ Մյուս կողմից՝ լինում է անհրաժեշտություն, երբ մեր ծառայողներն օպերատիվ հարցում են իրականացնում որոշ քաղաքացիների հետ, և եթե դա անում ես խորհրդային համազգեստով, տպավորություն է, որի քաղաքացու նկատմամբ որոշ գործողություններ են կատարելու»,- մանրամասնեց Վանեցյանը:
Աղավնի Սուքիասյան
