Հասարակական տրանսպորտում այսուհետ կարգելվի օտար երկրների դրոշներ փակցնելը

Երևանի հասարակական տրանսպորտում օտար պետության դրոշներ փակցնելն այսուհետ կարգելվի: Այս մասին Factor.am-ին հայտնեց Երևանի ավագանու «Ելք» խմբակցության  անդամ Արայիկ Հարությունյանը:

Ընդդիմադիր խմբակցության ներկայացուցիչն ավելի վաղ նամակ էր հղել քաղաքապետ Տարոն Մարգարյանին՝ հորդորելով արգելել Երևանը սպասարկող քաղաքային տրանսպորտում կախել օտար պետությունների դրոշներ:

«Հիմնականում դրանք Ռուսաստանի Դաշնության դրոշներ են, սակայն հանդիպել են նաև ԱՄՆ-ի, Ֆրանսիայի դրոշներ: Այն, որ մեր ինքնիշխան պետության մայրաքաղաքի տրանսպորտում առկա են այլ երկրների սիմվոլներ, համարում եմ անընդունելի ու անարգանք մեր պետականության հանդեպ: Ես եղել եմ բազմաթիվ երկրներում և որևէ տեղ չեմ արձանագրել նման արատավոր երևույթ: Եվ դա այն դեպքում, երբ այդ պետություններում քաղաքային տրանսպորտի վարորդները հաճախ օտարեկրացիներ են, սակայն Երևանում այլ պետության դրոշներ վեր են բարձրացնում ՀՀ քաղաքացիները»,- ասված էր Հարությունյանի նամակում:

Երեկ «Ելք» խմբակցության  անդամը ստացել է իր նամակին դրական  պատասախան է ստացել:

«Ես այս հարցով բազմաթիվ անգամ դիմել եմ քաղաքապետարան, դեռ այն ժամանակ, երբ քաղաքապետը Կարեն Կարապետյանն էր, բայց ինձ ասում էին՝ սահմափակումներ դնելու նորմեր չկան, հետո պարբերաբար թեմային անդրադառնում էինք, և ի վերջո, հարցը լուծում ստացավ և որոշում կայացվեց ներքաղաքային երթուղիներում շահագործվող տրանսպորտային միջոցների ուղևորասրահներից հանվել են օտար պետությունների դրոշները»,- մեզ հետ զրույցում մանրամասնեց Արայիկ Հարությունյանը:

Հարությունյանը նաև ընդգծեց՝ այդ ամենը հակառուսական շարժում չի և էական չէ, թե որ երկրի դրոշը կլիներ, միևնույն է հարցը կբարձաձայնեին:

Շողիկ Գալստյան