08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Լոռու մարզում դաբաղի մասսայական դեպքեր են գրանցվել. «Առավոտ»
08.08.2017 | 10:15
«Առավոտ» թերթը գրում է.
«Մոտ մեկ ամիս է՝ Լոռու մարզի Դեբեդ և Դսեղ գյուղերում անասուններ են հիվանդացել: Գյուղապետերի ու գյուղացիների հավաստմամբ՝ անասունները վարակված են դաբաղ կոչվող հիվանդությամբ, քանի որ ախտանշանները հենց այդ հիվանդության մասին են վկայում: Դեբեդի համայնքապետ Արարատ Քոչարյանի խոսքով՝ հիվանդության օջախը Դսեղի սարերն են, որոնք կից են իրենց համայնքի սարերին: Ասում է՝ գյուղի 700-ից ավելի անասնագլխաքանակի մոտ 60 տոկոսը վարակված է դաբաղով.
«Տարբեր ձևի վարակվել են՝ ոտքից, գլխից, բերանից և այլն: Մի 2 ամիս առաջ մի քանի դեպք եղավ: Բայց որ սենց վտանգավոր եղավ ու տարածվեց՝ շոգ եղանակային պայմանները նպաստեցին: Մարտ ամսին գյուղում անասուններին վակցինացրին, բայց չօգնեց: Հիմա բուժումներ ենք անում: Շոգերն էլ են նպաստում, որ հիվանդությունը տարածվի»: Արարատ Քոչարյանն ասում է, որ իրավիճակի մասին տեղյակ են պահել համապատասխան կառույցներին. «Ես իմ ղեկավարությանը, անասնաբույժն՝ իր ղեկավարությանը, տեղեկացրել ենք, որ համաճարակ կա: Վաղն էլ պետք է գրություն գրեմ, որ վարակը մեծացել է, ավելի շատ կենդանիներ են վարակվել»: Դսեղի համայնքապետ Գառնիկ Հովսեփյանը նույնպես հավաստիացրեց, որ խնդրի մասին մասնագետները տեղյակ են, փորձում են ամեն կերպ օգնել գյուղացիներին. «Մասսայական որ դեպք գրանցվի՝ սա առաջին անգամն է գյուղում: Մենք էլ ենք բժիշկներ բերել, որ օգնեն, անասնատերերն էլ են փորձում բուժել: Այս ընթացքում ով նորմալ կատարել է բուժումները, անասուններն առողջացել են: Երևանի սննդի անվտանգության տեսչությունից են եկել: Անասնաբույժներ ենք հրավիրել, եկել են, գնացել ենք սարերը: Մարդ ենք նշանակել, որ այնտեղ մնան, բուժման համար անասնատերերին օգնեն»:
Առավել մանրամասն՝ «Առավոտ» թերթի այսօրվա համարում:
