15.10.2026 | 16:44
Գագիկ Ծառուկյանի գործով մեղադրական եզրակացությունը չի համապատասխանում օրենքի պահանջին. Երեմ Սարգսյան
Փոփոխվել են ընդերքօգտագործման իրավունքի ձեռքբերման համար սահմանված օրենսդրական պահանջները
07.08.2017 | 17:39
Ընդերքօգտագործման թափոնների կառավարման և ընդերքօգտագործման թափոնների վերամշակման հետ կապված իրավահարաբերությունները այսուհետ կկարգավորվեն ՀՀ Ազգային ժողովի կողմից 2016թ. հոկտեմբերի 18-ին ընդունված «Հայաստանի Հանրապետության ընդերքի մասին օրենսգրքում լրացումներ և փոփոխություններ կատարելու մասին», «Թափոնների մասին օրենքում լրացումներ կատարելու մասին» և «Բնապահպանական և բնօգտագործման վճարների մասին օրենքում լրացումներ կատարելու մասին» ՀՀ օրենքներով, որոնք ուժի մեջ են մտել սույն թվականի մայիսի 4-ից: Այսպիսով՝ ընդերքօգտագործման իրավունք ձեռք բերելու համար անհրաժեշտ է առաջնորդվել վերոնշյալ օրենքներով սահմանված նոր պահանջներով:
Հիշեցնենք, որ «Հայաստանի Հանրապետության ընդերքի մասին օրենսգրքում լրացումներ և փոփոխություններ կատարելու մասին» ՀՀ օրենքի կիրարկումն ապահովելու համար մշակված 17 ենթաօրենսդրական ակտերից ՀՀ կառավարության կողմից ընդունվել է 13-ը:
