15.12.2025 | 14:12
Թմրանյութ օգտագործած վարորդներին կբացահայտեն տեխնիկական սարքերի միջոցով. նոր նախագիծ
Լուկաշենկոյի հետ կոնֆլիկտ չէր, այլ շատ կարևոր հարցերի քննարկում. Փաշինյանը՝ ՀԱՊԿ-ի շուրջ հեռակա բանավեճի մասին․ ՏԵՍԱՆՅՈՒԹ
Քաղաքականություն
29.01.2019 | 17:23
Հայաստանի ձայնը ՀԱՊԿ-ում ավելի լսելի է դարձել: ՌԲԿ-ին տված հարցազրույցում այս մասին ասել է ՀՀ վարչապետ Նիկոլ Փաշինյանը:
Լրագրողը հիշեցրել է, որ թավշյա հեղափոխության օրերին Նիկոլ Փաշինյանն ասել է՝ իրեն չի բավարարում, թե ինչպես են Հայաստանին վերաբերվում տարբեր կազմակերպություններում, օրինակ՝ ՀԱՊԿ-ում, որից հետո Ալեքսանդր Լուկաշենկոյի հետ կոնֆլիկտ է եղել: Փաշինյանն արձագանքել է. «Ես դա կոնֆլիկտ չէի անվանի»:
Նա հավելել է, որ դա ՀԱՊԿ-ի համար շատ կարևոր հարցերի քննարկում էր. «Դա ՀԱՊԿ-ի էության մասին քննարկում էր, թե ինչ է իրենից ներկայացնում ՀԱՊԿ-ն, ի՞նչ պարտականություններ ունեն երկրները կազմակերպության առջև և ՀԱՊԿ-ն՝ երկրների առջև, և ի՞նչ պարտականություններ ունեն երկրներն իրենց գործընկերների առջև»:
Հարցին՝ որպես երկրի առաջնորդ՝ կարո՞ղ է ասել, որ Հայաստանի հանդեպ վերաբերմունքը փոխվել է և Հայաստանի ձայնն ավելի ծանրակշիռ է դարձել, Փաշինյանը պատասխանել է. «Ես կարող եմ հստակ ասել, որ Հայաստանի ձայնն ավելի լսելի է դարձել: Կարծում եմ՝ շատ կառուցողական պրոցես է ընթանում»:
