14.12.2024 | 13:14
Զինված ուժերում իրավունքների պաշտպանության հետ կապված հարցերն իմ ամենօրյա ուշադրության ներքո են. ՄԻՊ
Լեհաստանի եվրոպական ապագան հարցականի տակ է. Տուսկ
Քաղաքականություն
04.08.2017 | 10:45
Լեհաստանի եվրոպական ապագան հարցականի տակ է. հայտարարել է երկրի նախկին վարչապետ, Եվրախորհրդի ղեկավար Դոնալդ Տուսկը. փոխանցում է ria.ru-ն՝ հղում անելով pap.pl-ին:
«Ես հասկանում եմ լեհերի անհանգստությունը՝ Լեհաստանի եվրոպական ապագայի հետ կապված»,- ասել է նա:
Տուսկի մեկնաբանությունները հաջորդել են ԵՄ-ի հետ իշխող «Իրավունք և օրենք» կուսակցության կոնֆլիկտին՝ կապված Լեհաստանի արդարադատության համակարգի բարեփոխման հետ, որը ԵՄ-ն համարում է ոչ ժողովրդավարական։ Կոնֆլիկտը կապված է նաև Եվրոպայի վերջին կուսական անտառում ծառահատումների հետ՝ չնայած այդ գործողությունը դադարեցնելու Եվրադատարանի որոշմանը։
Տուսկը մտավախություն է արտահայտել, որ դա կարող է նախաբան լինել Լեհաստանի կողմից այն մասին հայտարարության, որ իրենք ԵՄ-ի կարիքը չունեն։ «Վախենում եմ, որ այդ պահը հեռու չէ»,-ասել է Լեհաստանի նախկին վարչապետը լրագրողներին։
