27.06.2026 | 15:55
Մազաչափ թերությունն էլ որ եղել է, անմիջապես բարձրաձայնվել է, բոլորի հետևից գնացել ենք․ Հովակիմյան․ ՏԵՍԱՆՅՈՒԹ
Եզդիների նկատմամբ իրականացված ոճրագործությունը Հայոց ցեղասպանության չդատապարտման հետևանք էր. Ռ. Մախմուդյան
Քաղաքականություն
03.08.2017 | 16:23
Եզդիների նկատմամբ իրականացված ոճրագործությունը 100 տարի առաջ հայ ժողովրդի նկատմամբ իրականացված ցեղասպանության չդատապարտման հետևանք էր. այսօր լրագրողների հետ հանդիպմանն ասաց ԱԺ-ում եզդիական համայնքը ներկայացնող, ՀՀԿ խմբակցության պատգամավոր Ռուստամ Մախմուդյանը՝ անդրադառնալով 2014թ.-ի օգոստոսի 3-ին Իրաքի հյուսիսում եզդիների նկատմամբ կատարված ոճրագործությանն ու միջազգայնորեն այն ճանաչելու հարցերին:
Խոսելով միջազգային հանրության կողմից եզդիների նկատմամբ իրականացվածը դատապարտելուց, պատգամավոր նշեց, որ իրավական գործընթաց դեռ չի սկսվել:
«ՄԱԿ-ը, գուցե ոչ ուղղակիորեն, եզդիների նկատմամբ կատարվածը դիտարկեց որպես ցեղասպանություն: ԱՄՆ նախկին նախագահ Բարաք Օբաման դատապարտեց այն` պատրաստակամություն հայտնելով աջակցել եզդիներին: ՀՀ նախագահ Սերժ Սարգսյանը ՄԱԿ-ի բարձր ամբիոնից ասաց, որ եզդիների նկատմամբ կատարվածը, որ այլ ինչ է, եթե ոչ` ցեղասպանություն »,- ասաց նա:
Ապա բանախոսը հավելեց, որ աշնանը օրենսդրական նախագիծ կներկայացվի ՀՀ ԱԺ, որպեսզի Հայաստանը պաշտոնապես ճանաչի ու դատապարտի եզդիների ցեղասպանությունը:
