15.10.2026 | 13:25
Էդ հարցը դրել եմ երեկ. Փաշինյանը մանրամասներ պատմեց ռուս պաշտոնյայի հետ հանդիպումից․ ՏԵՍԱՆՅՈՒԹ
Բոլորս հասկացե՞ լ ենք, որ Ջերմուկն արդեն մեգապոլիս է. Կարեն Կարապետյան
Տնտեսություն
03.08.2017 | 12:24
ՀՀ Կառավարության այսօրվա նիստում հաստատվեց ՀՀ տարածքային կառավարման ու զարգացման նախարար Դավիթ Լոքյանի ներկայացրած որոշման նախագիծը, որը վերաբերում էր Ջերմուկ քաղաքի կառուցապատման, ընդհանուր երկրորդային բևեռային քաղաքներ խոշորածավալ ծրագրի առաջին փուլի ֆինանսավորմանը:
«Հայտնի է, որ մենք տարածքային անհամաչափության վերացման ուղղությամբ հանրապետությունում նախատեսում ենք 8-ից 10, կարելի է ասել, չակերտավոր մեգապոլիսներ, որոնք իրենց շրջակայքի, գյուղական բնակավայրերի տարածքները պետք է աշխուժացնեն՝ առավել հզոր լինելու պայմանով»,- ասաց Դ. Լոքյանը:
Նախարարն ասաց՝ ՀՀ տարածքային զարգացման հիմնադրամին հատկացնելով 1 միլիարդ 190 միլիոն դրամ, նպատակ ունեն այս տարի այդ գումարն ուղղել ենթակառուցվածքների հզորացմանը, ընդհանուր բնակավայրի միջավայրի նորմալ ձևավորմանը:
«Հաջորդ տարի շարունակական այս ծրագրով մենք իրականացնում ենք բիզնեսի և նորից պետության մասնակցությամբ մի շարք ենթակառուցվածքների ստեղծում, որոնք Ջերմուկը դարձնելու են խիստ արդյունավետ կենտրոն , գրավչությունը խիստ մեծանալու է տուրիզմի, առողջապահության ոլորտների հարցերում»,- նշեց նախարարը՝ հավելելով , որ մինչև ձմեռ ծրագրի առաջին փուլը իրականացնելու են:
«Բոլորս հասկացե՞ լ ենք, որ Ջերմուկն արդեն մեգապոլիս է»,- նկատեց Կարապետյանը: «Բայց չակերտները չմոռանաք»,- արձագանքեց Դավիթ Լոքյանը:
Շողիկ Գալստյան
