15.07.2026 | 10:25
Արտարժույթների փոխարժեքները՝ հուլիսի 15-ի դրությամբ
Թրամփը հաստատել է ՌԴ-ի նկատմամբ պատժամիջոցների կիրառումը
Քաղաքականություն
01.08.2017 | 13:12
ԱՄՆ նախագահ Դոնալդ Թրամփը ստորագրել է Ռուսաստանի նկատմամբ պատժամիջոցների կիրառման փաստաթուղթ, այն չեղարկելու համար Մոսկվան պետք է կատարի իր պարտականությունները, հայտարարել է ԱՄՆ փոխնախագահ Մայք Փենսը, փոխանցում է interfax.ru-ն:
«Նախագահ Թրամփը պատժամիջոցների կիրառման փաստաթուղթ է ստորագրել: Մենք ցանկանում ենք չեղարկել այն, սակայն դա հնարավոր կլինի միայն այն դեպքում, երբ Ռուսաստանը կատարի իր ստանձնած պարտականությունները: Ռուսաստանի դիվանագիտական քայլերը, ցավոք, վկայում են հակառակի մասին»,- ասել է Փենսը՝ Թբիլիսիում լրագրողների հետ հանդիպման ժամանակ:
Հիշեցնենք, որ հուլիսի 28-ին ԱՄՆ Սենատն ընդունել էր Ռուսաստանի, Իրանի և Հյուսիսային Կորեայի դեմ պատժամիջոցներ կիրառելու մասին օրենքը։ ՌԴ նախագահ Վլադիմիր Պուտինը մեղադրել էր ԱՄՆ օրենսդիրներին այն «ամբարտավանություն» որակելով: Ապա Մոսկվան առաջարկել էր մինչև սեպտեմբեր կրճատել Ռուսաստանում ԱՄՆ դիվանագետների թիվը:
