13:15
Պայմանագրային զինծառայող ավագ սերժանտ Արմեն Մեխակի Նազլուխանյանը, ըստ ՀՀ ընտրողների ռեգիստրի տվյալների՝ Գեղարքունիքի մարզի Դպրաբակ համայնքից է։ Ծնվել է 1986 թվականի հոկտեմբերի 27-ին։
Դրպրաբակի գյուղապետ Հովհաննես Նազլուխանյանը, որ վիրավոր զինծառայողի հետ բարեկամական կապեր ունի, ասաց, որ դեպքի մանրամասներից տեղյակ չէ, սակայն գիտի, որ Արմենի կյանքին վտանգ չի սպառնում։ Գյուղապետի խոսքով՝ զինծառայողին Իջևանի ԲԿ-ից տեղափոխում են Երևանի կենտրոնական կլինիկական հոսպիտալ։
13:00
Ինչպես Factor.am-ին տեղեկացրեց Իջևանի ԲԿ-ի բժիշկ Կամո Շահինյանը, վիրավոր զինծառայողի կյանքին վտանգ չի սպառնում։ «Զինծառայողը շատ լավ է, բայց ավելի շատ ինֆորմացիա չեմ կարող ասել»,- ասաց բժիշկը։
Հետաքրքրվեցինք զինառայողի ստացած վնասվածքներից, սակայն բժիշկը միայն ասաց, որ դրանք թեթև վնասվածքներ են՝ առանց մանրամասնելու։
ՀՀ Զու պայմանագրային զինծառայողը հակառակորդի կրակոցից վիրավորում է ստացել։
Այս մասին Factor.am-ին հայտնեց ՀՀ ՊՆ մամուլի քարտուղար Արծրուն Հովհաննիսյանը։
Այժմ զինծառայողն Իջևանի ԲԿ-ում է։
Սեդա Ղուկասյան
