15.10.2026 | 19:16
Վահագն Խաչատուրյանն ընդունել Է Ալժիրի Ազգային խորհրդի նախագահ Ազուզ Նասրիին
Սպիտակ տան նոր տնօրենը 10 օր անց հեռացվել է պաշտոնից
Քաղաքականություն
01.08.2017 | 12:20
Սպիտակ տան հաղորդակցության հարցով տնօրեն Էնթոնի Սկարամուչին հեռացվել է պաշտոնից նշանակումից ընդամենը 10 օր անց. այս մասին նշված է ԱՄՆ նախագահի վարչակազմի կայքում:
«Պարոն Սկարամուչին գտնում է, որ ավելի լավ է հնարավորություն տալ աշխատակազմի ղեկավար Ջոն Քելլիին սկսել մաքուր Էջից և ձևավորել իր սեփական թիմը: Մենք նրան հաջողություններ ենք մաղթում»,- նշվում է մամուլի հաղորդագրությունում:
Սպիտակ տան պաշտոնական ներկայացուցիչ Սառա Սանդերսը բրիֆինգի ընթացքում հայտնել է, որ Սկարամուչին լքել է ԱՄՆ վարչակազմը. «Նա այս պահին ոչ մի դերակատարություն չունի Թրամփի վարչակազմում»:
Սանդերսը հավելել է, որ Թրամփն անվայել է համարել Սկարամուչիի մեկնաբանությունները Սպիտակ տան իր գործընկերների հասցեին:
Հիշեցնենք, որ հուլիսի 27-ին Սկարամուչին հրապարակավ վիրավորական արահայտություններ է թույլ տվել աշխատակազմի նախորդ ղեկավար Ռայնս Պրիբուսի հասցեին՝ տեղեկատվության արտահոսքի հետ կապված կասկածների պատճառով:
