01.07.2026 | 12:20
Ռուսական զորքերն Ուկրաինայի Դնեպրոպետրովսկի մարզում բենզալցակայանների են հարվածել․ կին է զոհվել
Վերաքննիչ դատարանը չարդարացրեց 2015թ. լրագրողների նկատմամբ բռնություն գործադրելու համար տուգանված փոխգնդապետին. «Ժողովուրդ»
01.08.2017 | 09:35
«Ժողովուրդ» թերթը գրում է.
«ՀՀ վերաքննիչ դատարանը չարդարացրեց ՀՀ ոստիկանության զորքերի N զորամասի հրթիռահրետանային սպառազինության ծառայության պետ, փոխգնդապետ Դավիթ Փերիխանյանին: Ինչպես հայտնի է՝ 2015թ. էլեկտրաէներգիայի թանկացման դեմ բողոքի ակցիաների ժամանակ լրագրողների նկատմամբ բռնություն գործադրելու համար փոխգնդապետ Դավիթ Փերիխանյանը տուգանվել էր 600.000 հազար դրամով, սակայն ավելի ուշ գործով տուժողը դիմել էր ՀՀ վերաքննիչ դատարան՝ պահանջելով արդարացնել փոխգնդապետին: Հունիսի 13-ին ՀՀ վերաքննիչ դատարանը մերժեց տուժող կողմի բողոքը, և փոխգնդապետը չարդարացվեց:
Բայց Փերիխանյանի գործը այսքանով չի ավարտվել, և հիմա էլ նա դիմում է ներկայացրել ՀՀ վճռաբեկ դատարան:
Մինչ այդ նկատենք, որ օրերս լրացավ Սարի թաղում լրագրողների նկատմամբ իրականացված ոստիկանական բռնությունների մեկ տարին, ու չնայած հարուցված քրեական գործին, այդպես էլ որևէ ոստիկան ամբաստանյալի աթոռին չի հայտնվել: Խայտառակություն»,-գրում է թերթը:
Առավել մանրամասն «Ժողովուրդ» թերթի այսօրվա համարում:
