Քաղաքականություն
26.12.2018 | 20:33
Ուկրաինայի նախագահ Պյոտր Պորոշենկոն պաշտոնապես հայտարարել է երկրում արտակարգ դրության գործողությունը դադարեցնելու մասին:
«Դա իմ սկզբունքային որոշումն է»,- Ուկրանիայի Ազգային անվտանգության և պաշտպանության խորհրդի նիստում ասել է Պորոշենկոն, գրում է ՏԱՍՍ-ը:
Նշենք, որ Ուկրաինայում ռազմական դրություն սահմանելու մասին հրամանագիրը Պորոշենկոն ստորագրել էր մեկ ամիս առաջ՝ նոյեմբերի 26-ին: Նա հանձնարարել էր անհապաղ միջոցներ ձեռնարկել՝ ուժեղացնելու հակահետախուզական, հակաահաբեկչական գործունեությունն ու տեղեկատվական անվտանգությունը: Միաժամանակ, Պետական սահմանապահ ծառայությանը հանձնարարվել էր ուժեղացնել Ղրիմի վարչական սահմանին Ռուսաստանի հետ պետական սահմանի պաշտպանությունը:
