08.12.2025 | 21:00
Վստահ եմ՝ 10-ից բացի մյուս եպիսկոպոսները ևս Կտրիճ Ներսիսյանի դեմ են, շուտով տեսանելի կլինի․ Վահագն Ալեքսանյան․ ՏԵՍԱՆՅՈՒԹ
ԱՄՆ դիվանագետների թվի կրճատման մասին Մոսկվայի որոշումն անհիմն է. Վաշինգտոն
Քաղաքականություն
31.07.2017 | 10:50
Ամերիկյան վարչակազմն անհիմն է համարում Մոսկվայի որոշումը՝ Ռուսաստանում ամերիկյան դիվանագիտական ներկայության կրճատման մասին և այժմ վճռում է, թե ինչպես դրան արձագանքի։ Այս մասին կիրակի օրը TASS-ին հայտնել է Պետդեպի ներկայացուցիչը։
Ինչպես նա հաստատել է՝ ռուսական ղեկավարությունը պահանջել է, որպեսզի Ռուսաստանում ԱՄՆ առաքելությունը մինչ սեպտեմբերի 1-ը կրճատի իր աշխատակազմը մինչև 455 աշխատողի։ «Դա ափսոսանք առաջացնող և ոչնչով չարդարացված քայլ է»,-ասել է նա։
«Մենք գնահատում ենք այդ սահմանափակման ազդեցությունը և նաև այն, թե ինչ պատասխան ենք տալու: Այլ մեկնաբանություն այս պահին չունենք», – շարունակել է Պետդեպարտամենտի ներկայացուցիչը:
Հիշեցնենք, որ հուլիսի 28-ին ԱՄՆ Սենատն ընդունել էր Ռուսաստանի, Իրանի և Հյուսիսային Կորեայի դեմ պատժամիջոցների մասին օրենքը։
ՌԴ նախագահ Վլադիմիր Պուտինը մեղադրել էր ԱՄՆ օրենսդիրներին այն «ամբարտավանություն» որակելով: Ապա Մոսկվան առաջարկել էր մինչև սեպտեմբեր կրճատել Ռուսաստանում ԱՄՆ դիվանագետների թիվը:
