23.05.2026 | 18:52
«Ուժեղ Հայաստան» կուսակցության քարոզարշավը Արմավիրի մարզում. ՈՒՂԻՂ
Եթե հանցագործությունը կատարվել է Հայաստանում, ուրեմն պետք է դատապարտվի մեր դատարանի կողմից. Վանեցյանը Գյումրիի սպանության մասին
Հասարակություն
15.12.2018 | 19:09
Ծաղկաձորում հրավիրված ասուլիսի ընթացքում ԱԱԾ տնօրեն Արթուր Վանեցյանը մեկնաբանեց Գյումրիի ռուսական ռազմաբազայի զինծառայողի՝ հայազգի կնոջը սպանելու փաստը։
«Մարդասպանը չունի ազգություն։ Մարդասպանը մնում է մարդասպան և ցանկացած պարագայում պետք է հայտնաբերվի ու դատապարտվի օրենքի ողջ խստությամբ»,- ասաց Վանեցյանը:
Լրագրողները ԱԱԾ տնօրենին հիշեցրին, որ ռուսական ռազմաբազայի զինծառայողները պարբերաբար անհանգստացնում են հայ բնակչությանը՝ մի դեպքում սպանում, մյուս պարագայում՝ վարժանքներ անցկացնում գյուղի տարածքում՝ արձակելով կրակոցներ։ Խուսափելով ընդհանրական գնահատական տալ պարբերական միջադեպերին, ԱԱԾ տնօրենը կրկնեց իր միտքը․ «Եթե մարդը մարդասպան է, ուրեմն պետք է դատապարտվի։ Այո, եթե հանցագործությունը կատարվել է Հայաստանի տարածքում, ուրեմն պետք է դատապարտվի հայկական դատարանի կողմից։ Մնացածը Գլխավոր դատախազության խնդիրն է, որ ապահովի այդ գործընթացը»։
