12.11.2026 | 17:50
Էրդողանը Փեզեշքիանի հետ հանդիպմանն Իրանի և ԱՄՆ-ի միջև խաղաղ բանակցություններ սկսելու կոչ է արել
Լրագրողները գուցե հանդես գան մամուլի խոսնակների աշխատաոճը դատապարտելով, և դրանից հետո նրանք զգաստանան. «Հրապարակ»
28.07.2017 | 09:49
«Հրապարակ» թերթը գրում է.
«Մամուլի խոսնակները պիտի կարողանան կատարել իրենց հստակ գործառույթները, և եթե ինչ-որ բան ճիշտ չէ, ապա պետք է փորձել ոչ թե բամբասանքներով կամ իրար վրա ցեխ լցնելով զբաղվել, այլ հարցը լուծել իրավական դաշտում»,- մեզ հետ զրույցում, անդրադառնալով մամուլի մի քանի խոսնակների կողմից լրատվամիջոցների «սև ցուցակ» կազմելուն, ասաց «Ինֆորմացիայի ազատության կենտրոն» ՀԿ նախագահ Լիանա Դոյդոյանը:
«Եթե ինֆորմացիայի ազատության հետ կապված խնդիր կա, ապա այն գուցե պետք է լուծել դատական կարգով կամ էլ գերատեսչության ավելի բարձր ներկայացուցչի, դիցուք՝ կառավարության ղեկավարին նամակ ուղարկելով, փաստերը նշելով: Լրագրողական համայնքը գուցե նաև հանդես գա մամուլի խոսնակների աշխատաոճը դատապարտելով, և դրանից հետո մամլո խոսնակները, հարկավ, պետք է զգաստանան և նման պահվածք այլևս չդրսևորեն: Ես դեմ եմ, որ նման սուբյեկտիվ մոտեցումներ լինեն լրատվամիջոցների հանդեպ»,- ասաց Դոյդոյանը»,-գրում է թերթը:
Առավել մանրամասն «Հրապարակ» թերթի այսօրվա համարում:
