10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Դատախազի դեմ ապացույցներ չեն գտնում, փորձում են համոզել նրան, որ մեղքն իր վրա վերցնի. «Ժողովուրդ»
28.07.2017 | 09:34
«Ժողովուրդ» թերթը գրում է.
««Ժողովուրդ»-ին նոր մանրամասներ են հայտնի դարձել Գեղարքունիքի մարզի դատախազության դատախազ Սևակ Շհոյանի դեմ հարուցված քրեական գործից:
Ինչպես հայտնի է՝ Գեղարքունիքի մարզի դատախազության դատախազ Սևակ Շհոյանը, Գեղարքունիքի մարզի ընդհանուր իրավասության դատարանի նախագահ Աղվան Պետրոսյանը, դատավոր Վանիկ Վարդանյանը կալանավորվել էին ամբաստանյալ Գոռ Գալստյանի հարազատներից կաշառք վերցնելու մեղադրանքով: Օրերս առերեսում է տեղի ունեցել դատախազի և կաշառք տվող Գոռ Գալստյանի մոր՝ Մելանյա Գալստյանի միջև: Վերջինս պնդել է, թե ինքը դատախազին չի տվել գումարը:
«Ժողովուրդ»-ի տեղեկություններով՝ իրավապահները չեն կարող գտնել հենց դատախազի կողմից կաշառք վերցնելու ապացույցներ: Ու հիմա, որպեսզի չստացվի, թե իրենք սխալ են արել՝ աղմուկ-աղաղակով կալանավորելով Շհոյանին, փորձում են համոզել նրան, որ մեղքն իր վրա վերցնի և խոստովանական ցուցմունքներ տա: Առայժմ, սակայն, այս հարցում իրավապահները չեն հասել որևէ արդյունքի»:
Առավել մանրամասն «Ժողովուրդ» թերթի այսօրվա համարում:
