09.06.2026 | 00:17
Մարկո Ռուբիոն շնորհավորել է Փաշինյանին
Արդարադատությունն իրականացնում է դատական համակարգը, որն էլ պետք է որոշի՝ Ռոբերտ Քոչարյանը մեղավո՞ր է, թե՞ ոչ․ Վալերի Օսիպյան
Հասարակություն
09.12.2018 | 10:30
ՀՀ ոստիկանապետ Վալերի Օսիպյանը բացառում է իրավապահ մարմինների կողմից քաղաքական պատվերների իրականացումը:
«Ի սկզբանե ՀՀ վարչապետն իմ և ոստիկանության առջև դրել էր խնդիր, որ բոլոր կուսակցությունների, դաշինքների թեկնածուների միջև հավասար պայմաններ ապահովենք: Անգամ, եթե «Իմ քայլ» դաշինքի որևէ մեկ անդամ խախտում թույլ տված լիներ, միանշանակ կողմնապահություն չէր լինի»,- այսօր լրագրողների հետ զրույցում ասաց ոստիկանապետը։
Լրագրողների հարցին՝ ինչպես է վերաբերվում Ռոբերտ Քոչարյանի կալանավորմանը, Վալերի Օսիպյանն ասաց․ «Իր մասին ոչինչ ավել չեմ կարող ասել, քան այն, որ օրենքի առաջ բոլորը հավասար են: Հայաստանի Հանրապետությունում արդարադատությունն իրականացնում է դատական համակարգը, որն էլ պետք է որոշի՝ Ռոբերտ Քոչարյանը մեղավո՞ր է, թե՞ ոչ»:
Նշենք, որ անդրադառնալով Սերժ Սարգսյանի եղբորորդուն՝ Նարեկ Սարգսյանին, հայտնաբերելուն Օսիպյանը նշել էր, որ դեռ նրան Հայաստան չեն տեղափոխել:
