15.09.2026 | 11:52
«Ապրելու երկիր»-ը հայտարարում է՝ կմասնակցի առաջիկա ՏԻՄ ընտրություններին
«Դիլիջան» ազգային պարկի 1.75 հա հողատարածք վերադարձվել է պետությանը
Հասարակություն
15.09.2026 | 11:24
Հակակոռուպցիոն դատարանի օրինական ուժի մեջ մտած վճիռներով «Դիլիջան» ազգային պարկի տարածքում գտնվող 0.5 և 1.25 հա մակերեսով երկու հողամասերի կառուցապատման իրավունքները հարկադիր դադարեցվել են, և ընդհանուր 1.75 հա հողատարածքը վերադարձվել է Հայաստանի Հանրապետության տիրապետմանը։ Հողամասերի շուկայականին մոտարկված կադաստրային արժեքը կազմել է 119.6 մլն դրամ։
«Տավուշի մարզի դատախազությունը, պետական շահերի պաշտպանության հայց հարուցելու լիազորության շրջանակում, հայցադիմումներ էր ներկայացրել Հակակոռուպցիոն դատարան՝ ընդդեմ ֆիզիկական երկու անձի՝ «Դիլիջան» ազգային պարկի տարածքում գտնվող՝ 0.5 հա և 1.25 հա մակերեսով, 119 միլիոն 600 հազար դրամ շուկայականին մոտարկված կադաստրային արժեքով հողամասերի կառուցապատման իրավունքը հարկադիր դադարեցնելու պահանջով։
Նշված հայցերը բավարարելու վերաբերյալ Հակակոռուպցիոն դատարանի՝ 2026 թվականի հուլիսի 23-ի և 24-ի վճիռները մտել են օրինական ուժի մեջ. «Դիլիջան» ազգային պարկի տարածքում գտնվող՝ 0.5 հա և 1.25 հա մակերեսով հողատարածքները վերադարձվել են Հայաստանի Հանրապետության տիրապետմանը»,- ասված է Դատախազության տարածած հաղորդագրությունում։
