27.09.2026 | 10:34
Արտարժույթների փոխարժեքները՝ սեպտեմբերի 27-ի դրությամբ
Արման Ծառուկյան. «Առայժմ չեմ ցանկանում ռևանշ մենամարտ անցկացնել Մախաչևի հետ»
02.09.2026 | 11:20
UFC-ի թեթև քաշային կարգի դասակարգման երկրորդ համար Արման Ծառուկյանը պատմել է, թե ինչու է մենամարտերին պատրաստվում Հայաստանում, Ռուսաստանում ու ԱՄՆ-ում։
«Առայժմ չեմ ցանկանում ռևանշ մենամարտ անցկացնել Իսլամ Մախաչևի հետ։ Դա տեղի կունենա այն բանից հետո, երբ առնվազն 5 անգամ պաշտպանեմ թեթև քաշային կարգի չեմպիոնական տիտղոսը և գերազանցեմ նրա ռեկորդը։ Մախաչևը չորս անգամ է պաշտպանել այն։ Ես ցանկանում եմ դա անել 5 անգամ, իսկ հետո կամ կավարտեմ կարիերաս, կամ կտեղափոխվեմ կիսամիջին քաշային կարգ»,- Deep Waters-ի եթերում ասել է հայ մարտիկը։
29-ամյա Ծառուկյանը 2019 թվականին UFC-ում նորամուտը նշել է Իսլամ Մախաչևի դեմ մենամարտով ու պարտվել միավորներով։ Այժմ ռուսաստանցի մարտիկը կիսամիջին քաշային կարգի գործող չեմպիոնն է։
Արման Ծառուկյանը պատրաստվում է բրազիլացի Մաուրիսիո Ռուֆիի հետ մենամարտին, որը կկայանա սեպտեմբերի 19-ին Լոս Անջելեսում կայանալիք UFC 331 մրցաշարում։ Խառը մենամարտերում Հայաստանի ներկայացուցիչը մասնակցել է 26 հանդիպման, տարել 23 հաղթանակ ու կրել 3 պարտություն։
Դավիթ Եղիազարյան
