31.08.2026 | 12:21
Հայտնի են «Յունիսպորտը» մրցակիցները ֆուտզալի Չեմպիոնների լիգայի հիմնական փուլում
Մահացել է բալետի արտիստ Սերյոժա Պետրոսյանը
Մշակույթ
31.08.2026 | 11:50
Մահացել է անվանի բալետի արտիստ, Հայաստանի ԽՍՀ վաստակավոր արտիստ Սերյոժա Պետրոսյանը։ Ալեքսանդր Սպենդիարյանի անվան օպերայի և բալետի ազգային ակադեմիական թատրոնից հայտնում են, որ նա իր ստեղծագործական ուղին նվիրել է բալետային արվեստին և թատրոնի բեմին՝ կերտելով տասնյակ հիշարժան դերեր։
«Խոր վշտով տեղեկացանք անվանի բալետի արտիստ, Հայաստանի ԽՍՀ վաստակավոր արտիստ Սերյոժա Պետրոսյանի մահվան մասին։
Իր ողջ ստեղծագործական ճանապարհը նա նվիրեց բալետային արվեստին և Օպերայի ու բալետի ազգային ակադեմիական թատրոնի բեմին՝ թողնելով տասնյակ հիշարժան դերեր և գեղեցիկ ստեղծագործական ժառանգություն։
Սերյոժա Պետրոսյանի անունը կմնա հայկական բալետի պատմության մեջ՝ որպես տաղանդավոր արտիստի, նվիրյալ արվեստագետի և իր գործին անմնացորդ ծառայած մարդու։
Ցավակցում ենք նրա ընտանիքին, հարազատներին, ընկերներին և բոլոր նրանց, ովքեր ճանաչել ու գնահատել են նրան։
Հավերժ հիշատակ»,- ասված է հաղորդագրությունում։
