26.08.2026 | 15:47
ՌԴ ԱԳՆ-ն հայտարարել է, թե Արևմուտքը շանտաժի է ենթարկում Հայաստանին երկաթուղու հարցում
Սերժ Սարգսյանի նկատմամբ խափանման միջոց է ընտրվել բացակայելու արգելքը
Հասարակություն
26.08.2026 | 12:45
Հայաստանի երրորդ նախագահ Սերժ Սարգսյանի նկատմամբ խափանման միջոց է ընտրվել բացակայելու արգելքը։ Այս մասին Factor TV-ի հարցին ի պատասխան հայտնեցին Հակակոռուպցիոն կոմիտեից։
Հիշեցնենք, որ երեկ ՀՀ երկրորդ և երրորդ նախագահները Հակակոռուպցիոն կոմիտեում էին նույն քրեական վարույթի շրջանակներում։ Միայն թե Ռոբերտ Քոչարյանը ձերբակալվել ու բերվել էր քննչական մարմին, իսկ Սերժ Սարգսյանը՝ հրավիրվել։ Հակակոռուպցիոն կոմիտեն պատրաստվում է միջնորդել, որ Ռոբերտ Քոչարյանը կալանավորվի, իսկ Սերժ Սարգսյանի նկատմամբ, փաստորեն, բացակայելու արգելքն է ընտրվել որպես խափանման միջոց։
Նշենք, որ Հակակոռուպցիոն կոմիտեում քննվող գործը վերաբերում է առանձնապես խոշոր չափերով փողերի լվացման, պաշտոնեական լիազորությունների չարաշահման և առանձնապես խոշոր չափերով կաշառք ստանալու ենթադրյալ դեպքերին։ ՀՀ երրորդ նախագահը Հակակոռուպցիոն կոմիտեից դուրս գալուց հետո լրագրողներին հայտնել է, որ գործի նյութերը ստանալուց հետո կարող է խոսել մեղադրանքի մասին։
Արաքս Մամուլյան
