16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Զինծառայողի մահվան դեպքով քրեական վարույթ է նախաձեռնվել․ առերևույթ սպանություն կատարած անձը ձերբակալվել է
Հասարակություն
23.08.2026 | 16:09
Օգոստոսի 23-ին ՊՆ N զորամասի զինծառայողի մահվան դեպքի առթիվ նախաձեռնվել է քրեական վարույթ՝ Քրեական օրենսգրքի 155-րդ հոդվածի 1-ին մասով (սպանությունը): Այս մասին հայտնում են Քննչական կոմիտեից։
Առերևույթ սպանություն կատարած անձը ձերբակալվել է:
Ավելի վաղ ՊՆ-ից հայտնել են, որ օգոստոսի 23-ին հայտնաբերվել է ՊՆ N զորամասի զինծառայող Էդգար Գևորգի Գևորգյանի դին՝ հրազենային վնասվածքով։
Դեպքի հանգամանքներն ամբողջովին պարզելու նպատակով ընթանում է քննություն:
Նշենք, որ զինծառայող Էդգար Գևորգյանի մահը վերջին տասը օրերի ընթացքում ոչ մարտական պայմաններում զինծառայողի մահվան արդեն երրորդ դեպքն է։ Օգոստոսի 19-ին էլ Ճամբարակ տանող ավտոճանապարհին «ԳԱԶ-53» մակնիշի ավտոմեքենան վրաերթի էր ենթարկել մի քանի զինծառայողի։ Վթարի հետևանքով նրանցից մեկը՝ Սուրեն Մամբրեի Վարդանյանը, մահացել էր։
Օգոստոսի 13-ին ՊՆ-ն հայտնել էր զորամասերից մեկի զինծառայող Գրիգոր Զաքարյանի՝ հրազենային վնասվածքով հայտնաբերվելու մասին։ Քննչական կոմիտեի տվյալներով՝ զինծառայողին անզգուշությամբ ինքնասպանության հասցնելու մեղադրանքով մեկ անձ կալանավորվել է։
