27.09.2026 | 12:36
ՏԻՄ ընտրությունների շրջանակում շրջիկ սպասարկման գրասենյակները ծառայություններ են մատուցում Լոռու և Կոտայքի մարզերում
Վանաձորի անտառում ոտքը վնասած քաղաքացուն փրկարարները դուրս են բերել դժվարամատչելի հատվածից
21.08.2026 | 11:01
Վանաձորի անտառում ոտքը վնասած քաղաքացուն փրկարարները դժվարամատչելի հատվածից մոտ 600 մետր իջեցրել և մոտեցրել են շտապօգնության ավտոմեքենային։ Տուժածը տեղափոխվել է բժշկական կենտրոն։
«Օգոստոսի 20-ին՝ ժամը 18։36-ին, Լոռու մարզային օպերատիվ կառավարման կենտրոն ահազանգ է ստացվել, որ Վանաձոր քաղաքի անտառում ոտքը վնասած քաղաքացուն շտապօգնության ավտոմեքենային մոտեցնելու համար անհրաժեշտ է փրկարարների օգնությունը։
Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։
Փրկարարները, օպերատիվ արձագանքելով իրավիճակին, դժվարամատչելի հատվածից քաղաքացուն մոտ 600 մ իջեցրել և մոտեցրել են շտապօգնության ավտոմեքենային։
Տուժածը տեղափոխվել է բժշկական կենտրոն»,- ասված է ՆԳՆ ՓԾ-ի տարածած հաղորդագրությունում։
