04.10.2026 | 22:31
Եղիշե Մելիքյանը և Իգոչուկվու Իվուն՝ Չեռնոգորիայի հավաքականի դեմ խաղի մասին. ՏԵՍԱՆՅՈՒԹ
Արեգնազ Մանուկյանին թույլատրվել է տեսակցել դստեր հետ․ փաստաբան
Հասարակություն
19.08.2026 | 11:31
Քննիչի որոշմամբ թույլատրվել է Արեգնազ Մանուկյանի տեսակցությունը դստեր հետ։ Այս մասին ֆեյսբուքի իր էջում հայտնել է փաստաբան Տաթևիկ Սողոյանը։
«Վերջին օրերի բարձրացրած աղմուկից հետո միայն այսօր՝ երեխայի ծննդյան օրը, քննիչի որոշմամբ թույլատրվել է Արեգնազ Մանուկյանի տեսակցությունը դստեր հետ»- գրել է Սողոյանը։
Ըստ փաստաբանի՝ տեսակցությունը դեռ տեղի չի ունեցել, իսկ Մանուկյանն այդ մասին դեռ տեղեկացված չէ։
Հիշեցնենք, որ Արեգնազ Մանուկյանը ձերբակալվել էր հուլիսի 9-ին և ապա կալանավորվել՝ պետական գաղտնիք պարունակող տեղեկություններ հրապարակելու մեղադրանքով (ՀՀ քրեական օրենսգրքի 427-րդ հոդվածի 1-ին մաս), սակայն ինքը չի ընդունում մեղադրանքը։ Կալանքի որոշում կայացրած առաջին ատյանի դատավոր Մանվել Շահվերդյանն արգելել էր Մանուկյանի շփումներն անգամ անչափահաս դստեր հետ։
Փաստաբան Տաթևիկ Սողոյանը երեկ հայտնել է, որ Արեգնազ Մանուկյանի վերաբերյալ գործով նախաքննությունն ավարտվել է։
Անի Թամրազյան
